Gobiernu del Principau d'Asturies

Asturies, muncho más cerca

Tas en

Asturias.es Temes Europa Fondos Estructurales y d’Inversión Europeos Programa Operativu Fondu Social Européu del Principáu d'Asturies ...
 

Fondos Estructurales y d’Inversión Europeos

Programa Operativu Fondu Social Européu del Principáu d'Asturies 2007-2013

Testu del Programa y otros documentos

El Fondu Social Européu (FSE) ye un Fondu Estructural de la Unión Europea que tien como finalidá promover la cohesión social y económica financiando programes destinaos a la consecución del plenu empléu, la meyora de la productividá del trabayu, la integración social y l'amenorgamientu de les disparidaes nacionales, rexonales y locales en materia d'empléu.

El Programa Operativu ye un documentu que recueye'l conxuntu d'actuaciones que financia'l Fondu Social Européu (FSE) de manera específica nel Principáu d'Asturies nel periodu que va ente'l 1 de xineru de 2007 y el 31 d'avientu de 2013, destinaes a promocionar l'empléu estable y de calidá y la productividá del trabayu, promover l'accesu al mercáu de trabayu de les persones desfavorecíes y amenorgar les disparidaes nacionales, rexonales y locales en materia d'empléu.

Na ellaboración del Programa Operativu FSE 2007-2013 d'Asturies participaron les distintes Conseyeríes del Gobiernu del Principáu d'Asturies, tanto les que participen directamente na so execución como les que se van ver afectaes por él, garantizáu la coordinación del Programa con otros preseos financieros comunitarios (FEDER, Fondu de Cohesión, FEADER, FEP), y rexonales. L'Institutu Asturianu de la Muyer y la Conseyería de Mediu Ambiente, máximos responsables nel Principáu de les polítiques d'igualdá d'oportunidaes ente muyeres y homes, y mediu ambiente, participen nel Programa Operativu garantizando l'atención a les prioridaes horizontales del Fondu Social Européu y el Conseyu Económico y Social d'Asturies y los principales sindicatos validaron el documentu, garantizando d'esta forma la cooperación de los axentes sociales.

Estableciéronse como oxetivos prioritarios:

   - Facilitar el llogru d'empléu a les persones inactives y a les que busquen trabayu, y aumentar la participación de muyeres, mocedá, paraos/es de llarga duración y persones con discapacidá nel mercáu llaboral.

   - Impulsar la iniciativa empresarial y aumentar el ritmu de creación d'empreses.

   - Ameyorar l'adaptabilidá de trabayadores, empreses y empresarios/es, contribuyendo,  cuantimás, a la medra del númberu de persones asistentes a cursos de formación permanente.

   - Promocionar l'empléu estable y de calidá.

   - Velar por unos recursos humanos de calidá, apostando pola meyora del capital humanu, la educación y la formación y centrando los esfuerzos na prevención del abandonu escolar.

P’algamalo van ponese en marcha múltiples actuaciones, nes que’l so diseñu  foi vital pa la esperiencia llograda de la implementación d'actuaciones cofinanciaes por FSE nel anterior periodu de programación 2000-2006 y los aprendizaxes y bones práctiques de los proyectos EQUAL desenvueltos na Comunidá Autónoma.

Exes prioritaries previstes nel Marcu Estratéxicu Nacional de Referencia:

   - Fomentu del espíritu empresarial y meyora de l'adaptabilidá de trabayadores, empreses y empresarios/es.

   - Fomentar la empleabilidá, la inclusión social y la igualdá ente homes y muyeres.

   - Aumentu y meyora del capital humanu.

   - Promover la cooperación transnacional y interrexonal.

   - Asistencia Técnica.

Les acciones tán financiaes nun 80% pol Fondu Social Européu y el 20% restante con cargu a los Presupuestos del Principáu d'Asturies. L'ayuda global comunitaria pa tol periodu xube a 100.787.496 €, siendo la financiación autonómica de 25.196.874 €, polo que'l presupuestu total del Programa Operativu FSE d'Asturies xube a 125.984.370 euros.

Dende'l momentu de la puesta en marcha del Programa vienen financiándose actuaciones del siguiente tipu:

   - Ayudes a persones desemplegaes que se constitúin como autónomes.

   - Ayudes a empreses pola contratación de persones desemplegaes pertenecientes a distintos colectivos: mocedá titulao, colectivos desfavorecíos.

   - Ayudes a empreses pola conversión de contratos temporales n'indefiníos.

   - Escueles públiques de Primer Ciclu d'Educación Infantil (0 a 3).

   - Cursos de Garantía Social (Programa de Cualificación Profesional Inicial) promovíos por Centros Propios del Principáu, Conceyos y Entidaes ensin ánimu d'arriquecimientu.

   - Cursos de Formación pal Empléu impartíos por Entidaes ensin ánimu d'arriquecimientu y Axentes Sociales tantu pa persones desemplegaes como ocupaes.

   - Estudios y evaluaciones sobre'l mercáu llaboral, asistencia técnica.

   - Financiación de Redes de Cooperación Rexonal y Tresnacional pal intercambiu d'esperiencies y conocencies en materia de formación profesional, inmigración, igualdá d'oportunidaes ente homes y muyeres.

Estes actuaciones xestiónense dende distintos Departamentos del Gobiernu del Principáu d'Asturies, en concreto dende les Conseyeríes de:

   - Industria y Empléu (Serviciu de Xestión de la Formación pal Empléu, Serviciu de Programes d'Empléu, Serviciu d'Autónomos, Economía Social y Entamadores, Serviciu de Programes Europeos y Emplego-Formación).

   - Educación y Ciencia (Serviciu de Formación Profesional y Aprendizaxe Permanente, Serviciu de Centros, Planificación y Prestaciones Complementaries)

   - Presidencia, Xusticia ya Igualdá (Institutu Asturianu de la Muyer).

El Serviciu Públicu d'Empléu del Principáu d'Asturies asume les funciones d'Organismu Entemediu por encomienda de l'Autoridá de Xestión: la Unidá Alministradora del Fondu Social Européu (UAFSE) del Ministeriu de Trabayu ya Inmigración. Estes funciones de xestión y verificación son imprescindibles pal llogru de l'ayuda del Fondu Social Européu y tienen por oxetivu asegurar que'l llogru, destín y esfrute de les ayudes europees s’adapten a los requerimientos de la normativa autonómica, nacional y comunitaria.

Los contactos a nivel nacional y rexonal que pueden facilitar información sobre'l Programa Operativu del Fondu Social Européu son:

   - A nivel nacional: Unidá Alministradora del Fondu Social Européu (Ministeriu de Trabayu ya Inmigración).

   - A nivel rexonal: El Serviciu de Programes Europeos y Emplego-Formación (Serviciu Públicu d'Empléu del Principáu d'Asturies)

  •  Información pública sobre el cierre del Programa Operativo Principado de Asturias 2007-2013, CCI número 2007ES051PO006 Normativa reguladora