Gobiernu del Principau d'Asturies

Asturies, muncho más cerca

Tas en

Asturias.es Temes Industria y enerxía Industria y enexía n'Asturies Organismos de control
 

Industria y enexía n'Asturies

Organismos de control

Organismos de control habilitaos qu'actúen nel Principáu d'Asturies

- HABILITACION D'ORGANISMOS DE CONTROL
- PROCEDIMIENTOS Y MODELOS
- NOTES SOBRE REVISIONES N'INSTALACIONES INDUSTRIALES
- Procedimientos y modelos inspección ascensores según ITC AEM 1
- Organismos de control que pueden actuar nel Principáu d'Asturies
- Otros enllaces

Los organismos de control establecíos n'artículu 15.1 de la Llei 21/1992, de 16 de xunetu, d'Industria, son aquelles persones físiques o xurídiques que teniendo capacidá d'obrar y disponiendo de los medios técnicos, materiales y humanos y imparcialidá y independencia necesaries, pueden verificar el cumplimientu de les condiciones y requisitos de seguridá establecíos nos reglamentos de seguridá pa los productos y instalaciones.

Esti tipu d'organismos fueron creaos nel añu 1992 de resultes de l'aprobación de la Llei 21/1992, de 16 de xunetu, d'Industria, magar el so reglamentu de funcionamientu nun foi publicáu hasta l'añu 1995 (R.D. 2200/1995, de 28 d'avientu, pol que s'aprueba'l Reglamentu de la Infraestructura pa la Calidá y la Seguridá Industrial).

El réxime d'habilitación pal accesu y exerciciu de l'actividá de los Organismos de Control va consistir nuna declaración responsable ante l'autoridá competente, con acreitación previa de la competencia técnica del organismu de control por una entidá nacional d'acreitación.

La habilitación correspuende a l'autoridá competente en materia d'industria onde l'organismu de control acceda a l'actividá pa la que deseya ser acreditáu, ensin perxuiciu, nel so casu, de l'aplicación de lo dispuesto en materia d'autoridá d'orixe na disposición adicional décima de la Llei 20/2013, de 9 d'avientu, de garantía de la unidá de mercáu.

La declaración responsable va habilitar al organismu de control pa desenvolver l'actividá pa la que foi acreditáu en tol territoriu español por tiempu indefiníu, ensin perxuiciu, nel so casu, de lo que disponga la normativa comunitaria a efectos de la so reconocencia na Unión Europea.

Ye importante destacar que les persones titulares o responsables d'actividaes y instalaciones suxetes a inspección y control en materia de seguridá industrial disponen de la facultá d'escoyer cualesquier organismu de control autorizáu dientro del campu reglamentariu en que sía menester efectuar la inspección.

Coles mesmes correspuende saber a los titulares o responsables d'estes actividaes y instalaciones que tán obligaos a dexar l'accesu a les sos instalaciones, tanto a los técnicos de los organismos de control que los sos servicios contrataren como a los qu'actúen a solicitú de los órganos de l'Alministración competente en razón de la materia, facilitándo-yos en cualesquier de los casos la información y documentación necesaria pa cumplir la so xera.


(documentos n'español)



HABILITACION D'ORGANISMOS DE CONTROL

Modelo de Declaración responsable d'alcuerdu al cambéu del artículu 43 del Real Decretu 2200 /1995, de 28 d'avientu, realizada pol Real Decretu 1072/2015, de 27 de payares

Declaración Responsable (pdf: 351 Kb)



PROCEDIMIENTOS Y MODELOS

Procedimientu pa les inspecciones de les Instalaciones eléctriques de baxa tensión según el reglamentu aprobáu por R.D. 842/2002

Procedimientu BT - Rev.1 (pdf: 929 Kb)
Anexos (pdf: 929 Kb)



Modelos pa la presentación d'actes negatives

L'artículu 19 del Decretu 40/2019, de 7 de xunu, pol que se regula la habilitación y el réxime d'actuación de los organismos de control en materia de seguridá industrial nel Principáu d'Asturies y de los Comités Técnicos de Seguridá, establez una serie de prescripciones en relación cola comunicación de los resultaos de les actuaciones. De la esperiencia adquirida na aplicación de dicha disposición nel tiempu de la so vixencia, faise necesario treslladar a los organismos de control delles indicaciones sobre'l conteníu del mentáu artículu. En concreto, el citáu artículu indica que cada certificáu d'inspección emitíu tendrá de presentase énte l'órganu competente en materia d'industria. Trátase por tantu d'una referencia xenérica, como nun puede ser d'otra manera nuna disposición de calter xeneral, qu'ha permanecer anque camuden los nomes de los órganos de l'alministración. Acordies con el Decretu 13/2019, de 24 de xunetu, del Presidente del Principáu d'Asturies, de reestructuración de les Conseyeríes qu'integren l'Alministración de la Comunidá Autónoma, l'órganu competente en materia d'industria ye la Conseyería d'Industria, Empléu, y Promoción Económica. Per otru llau, el plazu de presentación establecíu en dichu artículu pa les actes negatives ye distinta que pal restu, y per ende el so tratamientu alministrativu tamién. Por ello, y col fin de garantizar el correctu tratamientu de los certificaos, informes o actes que, como resultáu de les sos actuaciones, hayan de presentar a la Conseyería d'Industria, Empléu, y Promoción Económica los organismos de control, los organismos de control deben de tener en cuenta les siguientes indicaciones y utilizar los modelos que se-yos indiquen, entrín y non nun s'implemente otru procedimientu electrónicu pa dicha finalidá:

  • 1. ANEXU I. Impresu de presentación pa los certificaos d'inspección negativos (sacante los de baxa tensión)
  • 2. ANEXU II Pa los certificaos d'inspección negativos d'instalaciones de baxa tensión recuérdase que yá exsiste un modelu recoyíu nel procedimientu d'inspección de baxa tensión.
  • 3. Cuando se realice una inspección con resultáu favorable a una instalación, equipu o actividá sobre la que recayera una inspección negativa primeramente, va utilizase'l modelu ANEXU III.
  • 4. En tolos modelos va marcase convenientemente la unidá alministrativa a la que va dirixíu el resultáu de l'actuación, pa lo cual, d'alcuerdu a lo establecío nel ANEXU IV, indíquense-yos en función del tipu d'instalaciones y los reglamentos que-yos apliquen a qué unidá alministrativa tienen de ser presentaes.
  • 5. En cuanto al restu de certificaos d'inspección favorable van poder utilizar el modelu qu'envaloren oportunu, siempre y cuando indiquen correchamente d'alcuerdu a lo establecío nel ANEXU IV la unidá alministrativa a la que va empobináu.

Icono gráfico alusivo al tipo de archivo AnexU I (Pdf: 69 Kb)
Icono gráfico alusivo al tipo de archivo AnexU II (Pdf: 74 Kb)
Icono gráfico alusivo al tipo de archivo AnexU III (Pdf: 69 Kb)
Icono gráfico alusivo al tipo de archivo AnexU IV (Pdf: 106 Kb)



NOTES SOBRE REVISIONES N'INSTALACIONES INDUSTRIALES

Notificación d'inspecciones d'instalaciones de productos petrolíferos líquidos destinaes a suministru a vehículos propios (pdf: 351 kb) (n'español)
Notificación d'inspecciones d'instalaciones de productos petrolíferos líquidos pa consumu propiu destinaes a usos industriales (pdf: 748 kb) (n'español)
Notificación d'inspecciones d'instalaciones de protección contra quemes (pdf: 330 kb) (n'español)



Procedimientos y modelos inspección ascensores según ITC AEM 1

Acta de la xunta del Comité Técnicu d'Aparatos Elevadores celebrad'l 15/04/2013 (pdf: 5.636 Kb)
Relación y calificación de defectos (pdf: 76 Kb)
Certificáu d'inspección periódica d'ascensores (doc: 122 kb)



Organismos de control que pueden actuar nel Principáu d'Asturies

De siguío indícase l'enllaz del que puede accedese a los organismos de control habilitaos conforme a lo establecío n'articulu 43 del Real Decretu 2200/1995, de 28 d'avientu, tres el cambéu realizáu pol Real Decretu 1072/2015, de 27 de payares, teniendo en cuenta que l'habilitación de cualesquier organismu de control en cualesquier comunidá autónoma habilíta-y p'actuar en tol ámbitu del Estáu y por tiempu indefiníu (tien de realizase la consulta na División C):

https://sedeaplicaciones.minetur.gob.es/RII/consultaspublicas/consultadatos.aspx



Otros enllaces

A efectos puramente informativos, esiste nel Principáu d'Asturies una asociación d'organismos de control onde puede llograse más información y que'l so enllaz indícase de siguío:

http://www.asocas.es/