Gobiernu del Principau d'Asturies

Asturies, muncho más cerca

Tas en

Asturias.es Families Proteición y derechos de la infancia Agospeos de menores
 

Proteición y derechos de la infancia

Agospeos de menores

Agospéu alternativu de calter temporal a neños y neñes.

Programa de families voluntaries

Programa d'apoyu a la midida d'agospéu qu'apurre a los neños, neñes y adolescentes residentes en centros de proteición de menores una alternativa de convivencia familiar pelos fines de selmana, vacaciones y díes festivos.

 

Programes de desinstitucionalización de menores

Estos programes ofrecen dende un modelu específicu de centru d'agospéu o residencia alternativa, un apoyu integral afitáu na formación, orientación, asesoramientu y supervisión tendente a favorecer la integración social y l'autonomía personal d'adolescentes y mozos en procesu de transición a la vida independiente, facilitándo-yos la inclusión en circuitos sociales y llaborales normalizaos.

 

Centros d'agospéu de menores

Los centros de menores, públicos o concertaos con entidaes privaes ensin ánimu d’arriquecimientu, son un recursu de proteición que proporciona un contestu de desarrollu a los neños y les neñes en situación de guarda o tutela pola Alministración del Prinicipáu d'Asturies. La decisión de la midida d'Agospéu conlleva una separación temporal o permanente de sos padres y esixe l'aplicación complementaria de programes empuestos a la restitución de los neños y neñes al so mediu familiar, la so integración nuna familia alternativa o al desarrollu d’un proyeutu de vida independiente.

 

Equipu téunicu de centros de menores

Equipu téunicu d'apoyu y siguimientu a los centros y programes dispuestos pa facer efeutiva la midida d'agospéu y a los neños y neñes protexíos al traviés de los mesmos.

 

Accesu

L'accesu a esti recursu hai que lu facer al traviés de los servicios sociales xenerales y/o especializaos.