Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes Conseyu de la Producción Agraria Ecolóxica del Principáu ...
 

Agricultura y montes

Conseyu de la Producción Agraria Ecolóxica del Principáu d’Asturies (COPAE)

El COPAE ye l’únicu organismu encargáu de controlar y certificar la producción agraria ecolóxica nel ámbitu territorial d’Asturies.

El COPAE (Conseyu de la Producción Agraria Ecolóxica del Principáu d’Aturias) Ye l’únicu organismu encargáu de controlar y certificar la producción agraria ecolóxica nel ámbitu territorial del Principáu d’Aturias.

El COPAE ye un organismu públicu que se crea como órganu desconcentráu de la Conseyería de Medio Rural y Pesca, autoridá competente en materia de producción agraria. El COPAE créase nel añu 1996 por aciu del Decretu 67/96, pol que se designa la Conseyería de Mediu Rural y Pesca como autoridá competente en materia agraria y el COPAE como autoridá de control. Anguaño el COPAE regúlase al través del Decretu 81/2004, de 21 d’ochobre, como órganu desconcentráu de la Conseyería de Mediambiente y Desarrollu Rural.

El funcionamientu del COPAE regúlase al través d’un Reglamentu de Réxime Internu, aprobáu pol Plenu del Conseyu. La principal función del COPAE ye llevar el control y la certificación de la producción ecolóxica, polo que’l COPAE ye’l responsable de xestionar los Rexistros d’Operadores, ye dicir, de productores, ellaboradores, comercializadores ya importadores de productos ecolóxicos. Al tratase d’un sistema de certificación público, los operadores benefíciensen de nun tener qu’asumir tolos costos que conlleven el control y certificación. El COPAE tien amás otra serie de funciones, una de les principales ye la de promover el consumu de los alimentos ecolóxicos, asina como realizar l’espardimientu y la conocencia de los sistemes de producción ecolóxica.

Pa más información: COPAE