Gobierno del Principado de Asturias

Asturias, mucho más cerca

Estás en

Aniciu Temes Sociedá de la información Internet al to alcance BOPA dende 1835
 

Internet al to alcance

BOPA dende 1835

Yá ta accesible la consulta de tolos boletinos del Principáu de Asturies dende 1835.

Depués d’un procesu de dixitalización que duró dellos meses,somos la primer Comunidá Autónoma en poner a disposición d’investigadores, estudiosos y público en xeneral, tolos boletinos d’una manera totalmente de baldre.

El BOPA espárdese al través de la páxina oficial del BOPA, allugada nel portal web del Gobiernu del Principáu d’Asturies, na dirección "https://www.asturias.es" nel apartáu:

Consultar nel BOPA>Consulta por calendariu.

La información oficial del Principáu d’Asturies ta contenida dende 1835 nuna espublización con una denominación qu’esperimentó variaciones a lo llargo d’esti periodu:
a) Boletín Oficial del Principáu d’Asturies: 1835
b) Boletín Oficial de la provincia d’Uviéu: dende 6-1-1836 al 28 de febreru de 1838
c) Boletín Oficial d’Uviéu: dende 3-3-1838 al 14-1-1857
d) Boletín Oficial de la provincia d’Uviéu: dende 16-1-1857 al 14-10-1982
e) Boletín Oficial del Principáu d’Asturies y de la provincia: dende 15-10-1982 al 4-4-1995
f) Boletín Oficial del Principáu d’Asturies: dende 5-4-1995

Hebo époques nes que s’espublizaron dos o trés boletinos:
Boletín del Gobiernu de la República: dende 15 d’ochobre de 1936 al 15 d’ochobre de 1937.
Boletín Oficial del Conseyu Rexonal d’Asturies: dende 19-1-1979 al 3-3-1982.
Boletín Oficial del Principáu d’Asturies: dende 19-5-1982 al 1-10-1982.

Si lo que quier ye una disposición concreta, o llexislación sobre una materia determinada, coles sos afectaciones correspondientes, acceda al BUSCADOR AVANZÁU