Gobiernu del Principau d'Asturies

Asturies, muncho más cerca

Tas en

Asturias.es Temes Pesca Ser Pescador Cotos de pesca
 

Ser Pescador

Cotos de pesca

Conoz la clasificación de les agues continentales en función del so réxime d'aprovechamientu según la Llei 6/2002.

Normativa

La llei 6/2002, de 18 de xunu, sobre protección de los ecosistemes acuáticos y de regulaciónn de la  pesca nel agua continental (BOPA 151, de 1 de xunetu de 2002) clasifica del agua continental en función del so réxime d’aprovechamientu en:

Zones de Réxime Especial, Zones Llibres:  pueden ser de dos tribes, Zones Llibres en Réxime Tradicional: nelles permítese usar tolos cebos permitíos y capturar hasta el númberu másimu d’exemplares que disponga la normativa añal de  pesca fluvial.

Zones Llibres ensin Muerte: nelles permítese solo cebos artificiales nes modalidaes que reglamentariamente tean dispuestas y les captures han de ser devueltes al agua de mou inmediatu y en bones condiciones pa  la so supervivencia. Estes zones alcuéntrense debidamente señalizaes.

Zones de Réxime Especial son les que’l exerciciu de la  pesca faise d’acordies con especiales midíes de protección o con arreglu a lo dispuestu nos planes técnicos de xestión y de aprovechamientu. Estes Zones de Réxime Especial divídense en:

  • Vedaos de  pesca: son los cursos, tramos de los cursos o mases d’agua nos que, de mou temporal o permanente, ta prohibida la  pesca de toes o parte de les especies por razones de tipu biolóxicu, científicu o educativu. Estes zones alcuéntrense debidamente señalizaes.
  • Cotos de  pesca: son los cursos, tramos de los cursos o mases d’agua nos que la práctica de la  pesca, fecha con fines únicamente deportivos, ta regulada p’aprovechar ordenadamente los recursos dientro d’unos oxetivos de xestión sostenible predeterminaos y sometida a la obtención del correspondiente permisu. Los Cotos alcuéntrense debidamente señalizaos.

Zones d’Especial Protección: trátase de zones d’especial interés pa la riqueza piscícola, nes que poles sos característiques naturales o ecolóxiques o el potencial biolóxicu de la so fauna, riquen d’una protección especial. Estes pueden ser:Refuxos de  pesca, que valen como reserva de reproductores y tan vedaos, o Reserves Xenétiques, onde ye preciso asegurar y mantener  el potencial xenéticu de les sos especies, asina; como la so biodiversidá y el so réxime puede ser de zona llibre esin muerte, coto esin muerte o vedáu.

Los Cotos de  pesca, que  na so xestión  puedan collaborar los Conceyos cola Conseyería competente, clasifíquense’n función del so réxime d’aprovechamientu, en:

  • Cotos de  pesca Intensivos: aquellos nos que ta permitía l’apropiación de les captures obtenies y nos que’l so mantenimientu requier sueltes periódiques d’exemplares.
  • Cotos de  pesca Ensin Muerte: son nos que los exemplares  pescaos han ser devueltos al agua de manera inmediata a la so captura y en bones condiciones pa la so supervivencia.
  • Cotos de  pesca en Réxime Tradicional: son  nos que se permite l’apropiación de les captures consiguíes y el so aprovechamientu faise de conformidá colo dispuestu na normativa añal de  pesca.

 

Relación de Cotos de Pesca n'Asturies

Anguaño'l Principáu d'Asturies tien 63 cotos salmoneros y  44 cotos trucheros distribuyíos per tola so xeografía, dende la cuenca del Eo a la del Cares.
Rellación de Cotos de Pesca nel Principáu d'Asturies.
Na época de pesca 2006 creáronse nas zones llibres salmoneres de los ríos Narcea, Sella, Cares y Deva, un total de  44 nuevos cotos salmoneros parciales. Nomáos cotos parciales porque nellos ta permitíu pescar durante los xueves, vienres y sábados de cada slemana, manteniéndose el réxime de pesca llibre nos díes restantes (domingos, llunes, martes y miércoles). Nestos cotos parciales, asina como nel restu de cotos salmoneros definíos nestos ríos, los xueves ta permitía la pesca de salmónidos esclusivamente con mosca artificial, quedando la pesca totalmente vedada nel restu de zones llibres. Añalmente recóyese na normativa de pesca fluvial les novedaes nel réxime de zones acotaes, vedaes y zonas llibres ensin muerte.