Gobiernu del Principau d'Asturies

Asturies, muncho más cerca

Tas en

Asturias.es Temes Artesanía y comerciu Artesanía Artesanía tradicional asturiano
 

Artesanía

Artesanía tradicional asturiano

Tradición ya innovación en productos de gran fama y renome.

Asturies ye una comunidá con bayura de tradiciones, que a un tiempu fai un apueste decidíu pola innovación como motor de futuro; la so artesanía espeya esta realidá.

L’artesanía ta siendo redescubierto, porque usa técniques y materies primes autóctones, contribúi a fixar la población rural, les tradiciones centenaries y el patrimoniu cultural; esixe un baxu consumu enerxéticu, ye poco agresivo col entornu mediambiental, complementa otres actividaes de triba agrícola, pesquera o turística. L’artesanía esixe capacitación técnica, potencia la creatividá y pue xenerar un altu valor añadíu que lu dexa configurase tamién como un negociu rentable.

Los talleres tradicionales coesisten con una cultura nueva de los oficios, basada na innovación, la reutilización de les materies primes que fueron per sieglos la base de les sos producciones y la incorporación cada vegada más decidida d’otres nueves y sobre too un tratamientu atrevíu de les formes y una incorporación decidida del diseñu.

 

 

Cerámica

Asturies ye una rexón con enraizada tradición ceramista, recoyendo yá nel sieglu XVIII los primeros datos qu’apunten a la fundación de fábriques de lloza y a l’apaición de bravos obradores de triba artesanal. Faro, en Llimanes (Uviéu) y Llames de Mouro (Cangas del Narcea) son los centros alfareros más importantes de la rexón, destacando principalmente pola fabricación de cacía, olles y otros utensilios, sobre too de cerámica negro.

 

 

Madera

La madera ye la materia prima principal de l’artesanía asturiano, pola abondanza de viesques: de castañales, de carbayos, de fayes, etc.. y a les maderes calidables que se saquen d’ellos. Siempre imprescindible na sociedá tradicional pa la construcción de viviendes y horros, la madera emplegóse tamién pa la fabricación d’oxetos domésticos, como les xarres, les fiambreres, los cuencos, y les madreñes calzáu típicu asturianu. Ye asina como esiste una gran tradición asturiana d’artesanía de madera, qu’engloba a madreñeros, cesteros, blimeros y cunqueiros.

 

 

Metal

Les ferreríes o mazos, yeren talleres artesanos onde se reducía’l mineral de fierro o de cobre pa forxalo depués, llograron gran importancia allá pel sieglu XVIII. L’abondanza del mineral, l’agua, con cayida suficiente pa dar potencia a les máquines soplantes y, la madera, p’avivar el fueu, componentes mui presentes nel Occcidente asturiano fixeron que fuera ellí onde esta actividá se desendolcara más. Esi foi’l casu de Somiedu, conceyu d’abondantes xacedes de fierro, ríos caudalosos y grandes viesques pa la quema, o Taramundi, famosa polos sos cuchiellos y navayes y Miranda, que se fixera popular pola so artesanía onde toles families, prácticamente, yeren caldereros.

 

 

Acebache

L’acebache ye carbón petrificao va sesenta millones d’años, tresformao en lignitu de color negro. Ye preciso paciencia y ser ñáfite pa la so talla; esto conviértelo en materia prima encartiao pal trabayu artesanal.

Ye Asturies el mezu del acebache, onde yá dende’l sieglu XIII vienden el mineral en bruto a los llabriegos gallegos. La parroquia d’Oles, nel conceyu de Villaviciosa, acueye la única mina d’acebache n’esplotación qu’esiste anguaño n’España.

 

 

Cueru

Dende’l sieglu XVIII, época de rellumu de l’artesanía asturiano, alcontramos delles fábriques de curtíos, como les qu’abrieron n’Uviéu, Tinéu y Xixón. Siendo abondante la producción de cueros naquella época, sobre too nel gremiu de los zapateros qu’algama cierta fama en Noreña y Pimiangu.