Gobiernu del Principau d'Asturies

Asturies, muncho más cerca

Tas en

Asturias.es Temes Pesca Ser Pescador Permisos de pesca n'Asturies
 

Ser Pescador

Permisos de pesca n'Asturies

Información sobre les llicencies de pesca, normatives y solicitúes.

Permisos de  pesca n'Asturies. Pa l'exerciciu de la  pesca n'Asturies ye necesariu tener la Llicencia de  pesca, documentu nominal, individual ya intransferible espedíu pola Viceconseyería de Mediambiente y Ordenación del Territoriu. Les clases, vixencia y procedimientu pa la so obtención determínense reglamentariamente. Pa la  pesca nos cotos amás de la llicencia precísase un Permisu de  pesca, documentu nominal ya intransferible espidíu pola Dirección Xeneral de Recursos Naturales y Protección Ambiental. La posesión del permisu otorga el derechu a la práctica de la  pesca na zona que nel s'indica y  la so tasa determínase reglamentariamente. El procedimientu d’axudicacion recuéyese nuna reglamentación añal que garantiza'l principiu d'igualdá d'oportunidaes pa tolos ciudadanos y ciudadanes, por medio de l'adecuada publicidá d'ofertes, feches, plazos, y el sortéu oportunu. Los permisos divídense nes siguientes tribes:

  • Permisos de calter turísticu: son los destinaos al fomentu del turismu pa la so distribución ente  pescadores estranxeros y comunitarios non españoles. L'Alministración puede esixir la xustificación documental de la nacionalidá declarada.
  • Permisos xenerales: son los destinaos a  pescadores nacionales, o ciudadanos miembros de la Unión Europea siempre que non concurrieren al sortéu de permisos turísticos

Normativa y solicitúes

Resolución de 19 de xunetu de 2005, de la Conseyería de Mediambiente Ordenación del Territoriu ya Infraestructures, qu'aprueba les bases qu'han de rexir l'axudicación de permisos de pesca fluvial en cotos de salmón, trucha y reu.

Dende l’añu 2005 la solicitú de la llicencia de  pesca, asina como la selección y solicitú del permisu de  pesca, pueden realizase  d’esti mou:

  • Presencialmente nos centros dependientes de la Conseyería de Mediambiente, Ordenación del Territoriu ya Infraestructures (perifériricos y Edificiu Alministrativu de Servicios Múltiples).
  • Por Internet, al través del portal web del Principáu (www.asturias.es).
    Telefónicamente, al través del Serviciu d’Atención al Ciudadanu (SAC) nel teléfonu 012 dientro d’Asturies y nel teléfonu 985 27 91 00 dende fuera d’Asturies. Esti serviciu Nun ta disponible pa la selección de cotos, únicamente par la solicitú de la llicencia y del permisu de  pesca.