Gobiernu del Principau d'Asturies

Asturies, muncho más cerca

Tas en

Asturias.es Families Proteición y derechos de la infancia Acoyimientu familiar y adopción de menores
 

Proteición y derechos de la infancia

Acoyimientu familiar y adopción de menores

Da-yos una familia alternativa a neños y neñes separaos del so mediu familiar y social.

Programa d'acoyimientos temporales en familia ayena

Tien como finalidá l'acoyimientu a cargu d'una familia ayena de neños y neñes en situación de desproteición, cola fin d'ofrece-yos un ambiente familiar pel tiempu necesariu pa que la so familia d'orixe supere los problemes que motivaron la so separación de la mesma y siempre que s'amosara inalmisible l’acoyimientu por daqué miembru de la so familia estensa.

 

Equipu téunicu d'acoyimientu en familia estensa

L'Equipu fai'l conxuntu d'actuaciones precises pa desendolcar la midida d'acoyimientu d’un neñu o una neña por miembros de la so familia estensa, cuando nun ye posible la permanencia nel mediu familiar d'orixe.

 

Equipu téunicu d'Adopción nacional

Desendolca'l conxuntu d'actuaciones propies de la xestión pública del procedimientu adoptivu nel ámbitu territorial de la Comunidá Autónoma, al respeutive de los neños y neñes tutelaos pola Alministración del Principáu d'Asturies.

 

Equipu téunicu d'adopción internacional

L'Equipu téunicu d'adopción internacional desendolca'l conxuntu d'actuaciones propies de la xestión pública del procedimientu adoptivu de neños y neñes d'otros países por persones o pareyes residentes nel Principáu d'Asturies.

 

Programa d'acoyimientos y adopciones especiales

Programa d'acoyimientu y adopción dirixíu a neños y neñes agospiaos en centros con peculiaridaes concretes que dificulten el so beneficiu del programa xeneral d'acoyimientu y adopción.

 

Accesu

L'accesu a esti recursu realízase a iniciativa particular asina como al traviés de los servicios sociales xenerales y/o especializaos.