Gobierno del Principado de Asturias

Asturias, mucho más cerca

Estás en

Aniciu Temes Cultura Patrimoniu Históricu y Cultural Horros y paneres d'Asturies. Procesu abiertu de regulación ...
 

Patrimoniu Históricu y Cultural

Horros y paneres d'Asturies. Procesu abiertu de regulación normativa

La regulación del tratamientu llegal de los horros y paneres foi una aspiración de les últimes décades. Anguaño, la so protección ampárase nun Decretu de 1973 (que protexe los horros de más de cien años frente a intervenciones que pudieren alteriar el so calter), na Llei de Patrimoniu Históricu Español de 1985 (qu'oldea de manera xenérica la so protección a la de los Bienes d'Interés Cultural), la Llei de Patrimoniu Cultural d'Asturies de 2001 (qu'afita dellos niveles de protección nos horros en función de la so antigüedá, y llinda l'algame de lo contemplao en 1985 a aquellos elementos qu'individualmente se protexan), mesmo que'l Reglamentu de desarrollu de la Llei de Patrimoniu Cultural d'Asturies, de 2015, que prohibe actuaciones nun horru o panera que menosprecie los sos valores culturales, establez los usos permitíos (los tradicionales recoyíos nel derechu consuetudinariu asturianu).

Existen cuestiones non regulaes espresamente nunca, como la de los usos permitíos, la evolución de tipoloxíes, la concreción de materiales y sistemes de restauración o'l calter mueble-inmueble de les construcciones.

P'abrir un alderique social alredor a estos temes, va constituyise una Mesa del Horru, integrada por profesionales de distintos ámbitos, dende l'Alministración al sector de la restauración d'horros y paneres, qu'a lo llargo de los próximos meses va abordar esti tema.

Igualmente quier cuntase cola aportación de la ciudadanía. Pa ello, dispúnxose nesta páxina la posibilidá d'acceder a diversos documentos técnicos ellaboraos nos últimos años y que permiten concretar l'ámbitu de xestión patrimonial al que se debe dar agora respuesta no que se refier a horros y paneres.

Los documentos que se publiquen son los siguientes:


Sobre la base d'estos trabayos, la Mesa del Horru va tener d'adoptar una decisión sobre los siguientes aspectos:

  • Sobre si la Conseyería ha regular los horros de nueva construcción.
  • Sobre'l calter del propiu horru: tenada o daqué más (cuartu, desván, almacén…).
  • Sobre si los horros nuevos siguen siendo horros.
  • Sobre si a un horru pueden añedíse-y elementos (zarramientu ente pegollos, ventanes, instalación eléctrica o barandielles) y siguir siendo consideráu como un horru.
  • Sobre l'usu, incluyendo l'habitacional. Posibilidá d'usu como agospiamientu rural singular.
  • Posibilidá de romper o matizar l'agora obligada vinculación del horru cola vivienda.
  • Posibilidá de graduar la protección de los horros en función de criterios como l'antigüedá, decoración, interés específicu del exemplar, allugamientu…

Convídase a tolos ciudadanos interesaos a participar nesti procesu, faciendo llegar les sos observaciones y suxerencies a la siguiente dirección de corréu electrónicu: dgpatrimoniocultural@asturias.org