Gobierno del Principado de Asturias

Asturias, mucho más cerca

Estás en

Aniciu Temes Agricultura y montes Politica Forestal Prevención de quemes forestales
 

Politica Forestal

Prevención de quemes forestales

Normes sobre quemes, directrices de coordinación y actuaciones realizaes en prevención y llucha contra les quemes forestales

(tolos documentos n'español)


Normes sobre quemes

L'artículu 64 de la Llei del Principáu d'Asturies 3/2004 de Montes y Ordenación Forestal, como midida de precuru, prohibe l'usu del fueu nos montes quitando pa les actividaes y nes condiciones, periodos o zones autorizaes pola Conseyería competente en materia forestal.

LaResolución de 5 de marzu de 2018 , de la Conseyería de Desenvolvimientu Rural y Recursos Naturales, pola que s'aprueben les instrucciones sobre quemes nel territoriu del Principáu d'Asturies y establécense midíes de prevención contra quemes na interfaz urbano-forestal, recueye les distintes modalidaes autorizables d'usu del fueu.

Les quemes de restos en montones y gordones, yá sían agrícoles o nel monte, les quemes a desganche en finques agrícoles, mesmo que les quemes de caltenimientu de brañes y camperes atópense suxetes al siguimientu d'una serie de prohibiciones y bones práctiques, tanto xenerales como específiques, dependiendo del tipu de quema. Los parámetros que permiten l'autorización d'estes modalidaes d'usu del fueu tán abondo desenvueltos na indicada Resolución de 5 de marzu, pudiendo tar tamién suxetes a les condiciones particulares que se considere necesaries pa cada situación.

Sicasí p'autorizar les quemes controlaes, ye mester l'estudiu más pormenorizáu de distintos parámetros técnicos (pendiente, carga de combustible, oxetivos de la quema, tipu de vexetación, estáu del suelu, etc.) qu'una vegada evaluaos determinen si ye aceptable, o non, l'usu del fueu controláu en cada situación propuesta o solicitada. La conocencia d'estos factores ye indispensable p'alcontrar los llugares onde ye autorizable l'usu del fueu controláu nel monte, y pa xestionar les actuaciones de quema controlada que fueren autorizaes.


Estos parámetros, ellaboraos pol Serviciu de Montes d'alcuerdu al artículu 15 del indicáu Resolvimientu de 5 de marzu, tán conteníos nunes instrucciones técniques que pueden descargase nesti enllaz:

Instrucciones técnicas sobre quemas controladas (pdf: 1.5 Mb)


Pa poder executar les autorizaciones emitíes pola Conseyería de Desenvolvimientu Rural y Recursos Naturales ye mester conocer l'Índiz de Riesgu de Quema Forestal del día, y comprobar que l'autorización llograda permita la execución de la quema de rastroxos o usu del fueu. Puede descargase la información sobre cómo realizar esta comprobación nel siguiente enllaz:

L'índiz de riesgu de quema forestal y l'execución de quemes autorizaes (pdf: 1 Mb)


Consulta el índice diario y por concejos de riesgo de incendio forestal


Riesgu de quema na interfaz urbanu-forestal y distancies de plantíu

L'artículu 22 de la indicada Resolución obliga a que toles nueves repoblaciones forestales guarden una distancia mínima de 30 metros, con edificaciones, núcleos rurales o suelu urbanu y con suelos urbanizables planiaos y/o desenvueltos. Nun tán autorizaes les repoblaciones de pinos, ocalitos o acacies a menos de 75 metros y pa facilitar los trabayos de prevención y estinción de quemes les nueves repoblaciones van tener de guardar siquier 3 metros a cada llau de les pistes permanentes y caminos rurales non suxetos a normativa específica de regulación de plantíos, midíos dende les arestes esteriores de la caxa de explanación.

Asina mesmo l'artículu 23 obliga al caltenimientu y llimpieza de los montes colindantes con núcleos rurales, zones urbanes o urbanizables y a que les finques o parceles dientro de los núcleos rurales, zones urbanes y urbanizables que colinden colos montes tean totalmente estenes de carba y con arboláu poco mestu.

Los anteriores artículos entraron a valir a otru día de la publicación de la Resolución (BOPA de 20 de marzu de 2018).'


Directrices de coordinación

Nel añu 2006 la entós Conseyería de Mediu Rural y Pesca, en cumplimientu del puntu 2 del artículu 62 de la Llei del Principáu d'Asturies 3/2004 de Montes y Ordenación Forestal, ellaboró, por aciu encargu al INDUROT de la Universidá d'Uviéu, los estudios necesarios pa conocer el riesgu estructural de quema qu'existía en tol territoriu forestal de la rexón. Definiéronse asina los conceyos con altu riesgu de Quema forestal que fueron publicaos gracies a laResolución de 12 d'abril de 2007 , de la Conseyería de Mediu Rural y Pesca, pola que se declaren Zones d'Altu Riesgu de quema forestal (ZAR).

Paralelamente, nel marcu del trabayu desenvueltu dende la Comisión Técnica del Conseyu del Fueu, consensuóse'l Plan d'Actuación Integral en Quemes Forestales d'Asturies 2006-2007 ente los órganos responsables de la estinción y de la prevención, nel que se contemplaben unes llinies estratéxiques d'actuación y recoyíase un paquete de programes y midíes nesta materia p'aquel periodu. Esti plan foi'l xerme de les estratexes posteriores ellaboraes al envís de coordinar los esfuerzos y medios públicos pa la prevención y llucha contra les quemes forestales n'Asturies.

Estratexa integral de prevención y llucha contra quemes forestales n'Asturies (2009-2012) (pdf: 1,29 Mb)

Estratexa integral de prevención y llucha contra quemes forestales n'Asturies (2013-2016) (pdf: 7,75 Mb)