Gobiernu del Principau d'Asturies

Asturies, muncho más cerca

Tas en

Asturias.es Trabayar n'Asturies Ser autónomu Programa de Fomentu y Afitamientudel Autoemplegu del Principáu ...
 

Ser autónomu

Programa de Fomentu y Afitamientudel Autoemplegu del Principáu d’Asturies

Un apueste polos autónomos, les autónomes y les cooperatives

El Programa de Fomentu y Afitamientu del Autoemplegu del Principáu d'Asturies ye una de les iniciatives previstes nel Pautu pa la Competitividá, l'Emplegu y el Bienestar n'Asturies (ACEBA), que recueye
un apueste fuerte y decidíu pa dar puxu y fomentar l'autoemplegu nes
sos dos fasteres, la individual (autónomos) y la coleutiva
(cooperatives y sociedaes llaborales).

El Programa de Fomentu y Afitamientu del Autoemplegu tien en
consideración la importancia d'esti coleutivu formáu por 83.745 autónomos
que representen el 20'67% de los afiliaos a la Seguridá Social. Na
Comunidá Autónoma del Principáu d'Asturies son una fonte de
xeneración non solo d'emplegu sinon de riqueza y bienestar social, pol altu
valor añadíu que supón pal nuesu texíu social y la nuesa actividá
económica. Por ello, al traviés d'esti Programa, el Gobiernu asturianu
va siguir trabayando pa desendolcar proyeutos de trabayu autónomu
viables, con perspeutives de futuru, y que seyan erbíes xeneradores d'emplegu por cuenta ayena.

 

Llinies d'actuación

El Programa de Fomentu y Consolidación del Autoemplegu del Principáu d'Asturies recueye les llinies siguientes:

  • Fomentu del emplegu al traviés del autoemplegu individual per aciu del
    entamu d'actividá (12.487.683 euros)
  • Afitamientu y sofitu a l'actividá económica (500.000 euros)
  • Apoyu a la trabayadora autónoma y a proyeutos empobinaos a la
    conciliación familiar y llaboral de los/les trabayadores autónomos
    (300.000 euros)
  • Potenciar la conocencia del trabayu autónomu, fomentando'l
    asociacionismu (200.000 euros)
  • Asesoramientu y acompañamientu al trabayu autónomu.
  • Formación pa los/les trabayadores autónomos (402.945
    euros)
  • Fomentu de la cultura preventiva en materia de riesgos llaborales
    (75.000 euros)
  • Incorporación del Autónomu en Teunoloxíes de la Información y la
  • Comunicación (PIATIC) (925.100 euros)

Más información sobre'l Programa de Fomentu y Afitamientu del Autoemplegu