Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes Sanidá Vexetal Pasaporte Fitosanitariu
 

Sanidá Vexetal

Pasaporte Fitosanitariu

Infórmate sobre les estremaes tribes y en qué casos ye preciso

El Pasaporte fitosanitariu consiste nuna etiqueta y un documentu d’acompañamientu, qu’han llevar determinaos vexetales y productos vexetales pa poder circular dientro del espaciu ensin fronteres de la UE, y que valen como garantía de que los mesmos tán producíos por entidaes inscrites nel Rexistru Oficial y sometíes (poles entidaes mentaes) a los controles y/o tratamientos fitosanitarios precisos.

La obligatoriedá d’estender Pasaportes fitosanitarios depende principalmente del material vexetal col que trabaya una empresa (especie y parte del mesmu). Amás, la triba d’actividá desendolcada pola empresa (productor, comerciante o productor-comerciante) condiciona la posibilidá de que seya precisu l’usu de Pasaporte con distintivu “RP”, y el destín xeográficu de la mercancía condiciona la posibilidá de que seya precisu un Pasaporte con distintivu “ZP”.

PF: Determinaos productos vexetales (ver llista) ríquenlu pa circular per cualquier llugar de la UE.

 

 Llistáu de vexetales y productos vexetales (n'español) (pdf: 1.6 Mb)

 

Pasaporte fitosanitariu con distintivu “ZP”: Determinaos productos vexetales riquen llevar un Pasaporte fitosanitariu con distintivu “ZP” pa poder unviase dende cualquier puntu de la UE a les denominaes “Zones Protexíes”. Una Zona Protexida ye una zona de la UE na que nun son endémicos nin s’alcuentren afitaos ún o dellos de los organismos dañibles cuando esiste constancia de la so presencia en dalguna parte de la UE, entá cuando les condiciones na mentada área pueden ser favoratibles al afitamientu de los mesmos, o na qu’esiste riesgu d’afitamientu de determinaos organismos dañibles de resultes de les condiciones ecolóxiques favoratibles.

Pasaporte fitosanitariu con distintivu “RP”: Esti distintivu indica que ye un Pasaporte de sustitución y ha usalu’l comerciante que recibe una mercancía (vexetal o productu vexetal), que vien con Pasaporte “PF”, y divídela en partíes. Ha tener autorizada pola autoridá competente la estensión del Pasaporte mentáu, y va acompañar cada partida resultante del so correspondiente Pasaporte de sustitución.

Un Pasaporte fitosanitariu con distintivu “ZP” pue sustituyise por otru Pasaporte con distintivu “ZP”, nes mesmes condiciones que les esplicaes pal “RP”, y en dambos casos, ha incluyise’l númberu de Rexistru del productor orixinariu.

 

Actividá Destín del material vexetal
Zona non protexida Zona protexida
Productor PF ZP
Comerciante RP ZP
Productor-comerciante PF, RP ZP

 

Pa poder expedir Pasportes Fitosanitarios ye necesariu tar inscritu nel Rexistru de provisores de material vexetal del Principáu d'Asturies