Gobiernu del Principau d'Asturies

Asturies, muncho más cerca

Tas en

Asturias.es Temes Educación Cursu de Llingua Asturiana en Madrid
 

Educación

Cursu de Llingua Asturiana en Madrid

El próximu 28 de febreru entama un añu más el Cursu de Llingua Asturiana en Madrid que yá fai la sétima edición del mesmu.

Esti añu los cursos tienen llugar nel llar de la Delegación d’Asturies en Madrid, unes modernes y afayadices instalaciones allugaes na cai de Santa Cruz de Marcenado númberu 2, cerca de la salida del Metru de San Bernardo y del Centru Cultural Conde Duque.

Les clases presenciales, con conteníos tanto de gramática práctica como de cultura asturiana, van ser tolos xueves dende’l 28 de febreru al 29 de mayu del 2008, n’horariu de 7 a 9 de la tarde. Los participantes van recibir un diploma acreditativu de 35 hores llectives. La matrícula y los materiales son dafechu de baldre y amás va apurrise abondu recursu de trabayu y llectura por internet.

P’apuntase al cursu nun hai más que mandar un corréu a la seña siguiente: cursu@wanadoo.es