Gobiernu del Principau d'Asturies

Asturies, muncho más cerca

Tas en

Asturias.es Atención Ciudadana ¿Qué ye’l SAC?
 

Atención Ciudadana

¿Qué ye’l SAC?

Conoz qué ye’l SAC y cómo pue ayudate

¿Qué ye’l SAC?

Ye un muérganu alministrativu dotáu de los medios téunicos y de los profesionales meyor cualificaos p’atender les consultes que los ciudadanos entruguen a l’Alministración, orientalos sobre la manera d’algamar un serviciu públicu, facer trámites nel nome de los ciudadanos cuando asina lo soliciten, recibir y tramitar les sos reclamaciones y les sos suxerencies; en resultancia, ser el primer puntu de contautu cola Alministración y valir d’intermediariu ente ésta y la ciudadanía d’Asturies cola fin de consiguir una mayor cercanía.

 

¿Cómo funciona’l númberu 012?

Cuando un ciudadanu marca’l 012 nel ámbitu territorial de la Comunidá Autónoma del Principáu d’Asturies, entra en contautu col Serviciu d’Atención al Ciudadanu (SAC)

Esti serviciu ta disponible de llunes a vienres de 08:30 a 19 hores.

Al traviés del mesmu, un equipu d’axentes telefónicos del SAC, especialmente formaos pa ello, atienden los pidimientos d’información que los ciudadanos faen, respondiendo nel intre si ello ye posible o anotando los datos precisos pa contautar nun momentu posterior. El costu de la llamada depende del operador de telefonía que s’use pa comunicar.

 

El SAC dispón de

  • Teunoloxía afayadiza pa desendolcar el to trabayu.
  • Conocencia del llabor alministrativu internu pa orientar a los ciudadanos.
  • Esperiencia nel tratu col públicu.
  • Capacidá pa conocer qué piden los ciudadanos y cómo lo piden.
  • Metodoloxía d’análisis de los mentaos pidimientos pa poner al algame de los ciudadanos servicios públicos nuevos.

 

Servicios del SAC

  • Suministrar información.
  • Sofitu y orientación a los ciudadanos nes sos rellaciones cola Alministración.
  • Rexistru de la documentación.
  • Realización de trámites.
  • Receición y tramitación d’iniciatives y reclamaciones.
  • Realización d’encuestes de satisfaición.
  • Unviu de mensaxes y avisos.

 

Contauta

Serviciu d'atención ciudadana