Gobiernu del Principau d'Asturies

Asturies, muncho más cerca

Tas en

Asturias.es Temes Deportes Actividaes deportives Carné Mozu y descuentos ufiertaos poles estaciones ivernales ...
 

Actividaes deportives

Carné Mozu y descuentos ufiertaos poles estaciones ivernales 2015-2016

Logotipu

El conveniu de collaboración establecíu ente'l Programa Carné Mozu y la Dirección Xeneral de Deportes del Principáu d'Asturies fai posible cuntar con unos descuentos de gran calidá nes Estaciones Ivernales de Valgrande-Payares y Fuentes. Gracies a esta collaboración, los titulares del Carné Mozu puen adquirir el Forfait diariu con un aforru de 7 a 4 euros, dependiendo de la estación y de si ye de temporada alta o baxa, y l'Abonu de Temporada con un descuentu de 65 o de 80 euros sobre la tarifa normal, según se saque hasta o depués del día 1 d'avientu del 2015. 

Estos descuentos súmense a los establecíos de forma permanente al usar el carné nes Instalaciones Deportives del Principáu d'Asturies. 

Como'l Carné Mozu ye un programa européu onde participen toles Comunidaes Autónomes d'España y 39 países europeos, y como se rixe pol principiu de reciprocidá pudiendo usase en toos esos territorios nacionales y europeos, el Carné Mozu ye válidu en munches otres estaciones ivernales: en Sierra Nevada, nes estaciones del Pirinéu Aragonés (Cerler, Formigal, Javalambre, Panticosa, Valdelinares, Astún, Candanchú), en Cantabria (Alto Campoo), nes estaciones de Cataluña (Tabascán, Masella, D’Aransa, Port del Comte, Vallter 2000, La Molina, La Val de Nuria, Port-Ainé…), en Madrid (Navacerrada), n'Andorra (Naturlandia, Valnord). Y en munches otres estaciones ivernales europees. Amás, alredor d'estes actividaes collaboren empreses que faen a los titulares del carné los sos descuentos en ropa de deporte, equipamientos deportivos, actividaes de tiempu llibre, agospeos, restauración... 

El Carné Mozu va entamar, paralelamente a esta ventaya y al traviés de la so páxina web www.carnetjovenasturias.com y el so facebook, un concursu onde va sortiar Forfaits diarios pa caúna de les dos estaciones. 

N'Asturies son actualmente 580 les empreses y entidaes que collaboren col CARNÉ MOZU pa ufiertar a los sos titulares una montonera de descuentos nos sos productos y servicios. Ente éstes puen atopase academies, autoescueles, dentistes, escueles d'idiomes, estética y peluquería, ximnasios, hoteles, llibreríes, óptiques, perfumeríes, talleres d'arreglu-asistencia de vehículos, ropa-calzáu, servicios sanitarios, turismu rural y d'aventura. Toes elles, amás de les ventayes qu'ufierten, puen consultase na páxina web www.carnetjovenasturias.com. 

El CARNÉ MOZU, que lleva en funcionamientu dende l'añu 1987, ta dirixíu a mozos n'edaes ente 12 y 30 años y el so costu ye de 4 euros anuales. N'Asturies cunta cola collaboración de “la Caixa” como entidá financiera que patrocina'l programa y participa tanto nel so desenvolvimientu, promoción y espardimientu como na tramitación y comercialización de la tarxeta en toles sos oficines.
 

   Cartel (Pdf: 1 Mb) (n'español)