Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes Sanidá Vexetal Organismos de Cuarentena
 

Sanidá Vexetal

Organismos de Cuarentena

Conoz los organismos dañibles pa los vexetales, importantes pola so posible presencia o riesgu d’introducción na rexón.

La Llei 43/2002 de Sanidá Vexetal, define como “Plaga de cuarentena” aquella plaga que pueda tener importancia económica potencial y que figure na llista comunitaria o asina se calificare pol Ministeriu d'Agricultura, Alimentación y Mediu Ambiente. Na mesma Llei defínese “Plaga” a tou organismu nocivu de cualquier especie, raza o biotipu vexetal o animal o axente patóxenu dañible pa los vexetales o los productos vexetales.

La normativa europea y nacional establez pa los Estaos miembros la obligación de realizar prospecciones nos sos territorios pa conocer la situación de determinaos organismos nocivos pa los vexetales (organismos de cuarentena).

Ye mui importante la detección de los primeros focos d'una plaga que remanez pela primer vez nun Estáu miembru o en parte del mesmu, pa evitar siempre que seya posible'l so establecimientu, o polo menos evitar el so espardimientu. Amás de tamién ser importante conocer la situación y evolución de los yá establecíos, pa evitar el so espardimientu a otros territorios.

El ministeriu con competencies en sanidá vexetal establez un calendariu anual de prospecciones d'organismos de cuarentena y planes o programes de prevención, erradicación o control de determinaes plagues vexetales d'interés n'España, que les CC. AA. tienen que llevar a cabu.

Polo tanto, ruégase que comuniquen a la Sección de Sanidá Vexetal de la Conseyería de Desenvolvimientu Rural y Recursos Naturales del Principáu d'Asturies, cualquier afayamientu que pudiere tener rellación con dalgún de los organismos de cuarentena que se citen de siguío, axuntaos según la clas de cultivu, pa los que se tienen que realizar prospecciones oficiales na nuestra rexón. (svegetal@asturias.org )

 

(tolos documentos n'español)

Forestal

   - Dryocosmus kuriphilus (Aviespina de la castañal): ye un himenópteru pequeñu especialmente perxudicial pa la castañal que provoca la formación d’agalles de color verde a arroxáu nes fueyes, peciolos y rames xóvenes acuartando’l so desendolque y poniendo llendes asina a la producción de frutu. Los ataques severos pueden llegar a matar los árboles.
    Ficha (pdf: 264 Kb)

   - Bursaphelenchus xylophilus (Nematodu de la madera de los pinos): ye causa de qu’amostien y que dempués muerran los pinos por mor d’una rellación complexa ente’l so ciclu biolóxicu y el de los sos vectores del xéneru Monochamus, coleópteru de la familia Cerambycidae, qu’intervién tanto nos procesos de reproducción como nos d’espardimientu de la peste. La susceptibilidá del güéspede y la temperatura (temperatures medies de 25ºC) son dos aspeutos que ponen llende al desendolque de la enfermedá.
    Ficha (pdf: 594 Kb)

   - Fusarium circinatum (Úrzula resinosa de los pinos): esti fungu ye un patóxenu importante de diferentes especies de pinu, n’especial Pinus radiata. El síntoma más carauterísticu ye la formación d’úrzules en rames y troncos que xagomien muncha resina, llegando a causar la muerte del árbol.
    Ficha (pdf: 1196 Kb)
    Cartel (pdf: 939 Kb) 

 

de la Güerta

   - Epitrix similaris (Pulgón de la pataca): pequeñu coleópteru crisomélidu adautáu a la familia de les solanácees anque’l so güéspede principal ye la pataca. Los adultos son esfoyadores, aliméntense de les fueyes ocasionando furacos pequeños, mientres que les gates aliméntense del sistema radicular.
    Ficha (pdf: 257 kb)

   - Synchytrium endobioticum (SARNA VERRUGOSA DE LA PATACA): enfermedá considerada como una de les más peligroses enfermedaes d'importancia económica del cultivu de la pataca.
  Ver más información

   - Clavibacter michiganensis ssp. sepedonicus (Cangrena bacteriana): ye una enfermedá mui grave qu’afeuta al cultivu de la pataca y ocasionalmente berenxena y otres solanácees. Anque la enfermedá pue repercutir en tola planta, los mayores daños danse nos tubérculos, produciendo perdes económiques grandes.
   Ver más información

   - Ralstonia solanacearum (Podrén parda de la pataca): ye responsable de la enfermedá de la “Podrén parda de la pataca” que lo mesmo que la “cangrena bacteriana” ye mui destructiva y contaxosa. Ta adautada a climes templaos y fríos y afeuta cuasique namás a la pataca, anque pue en dellos casos pue dañar al tomate y a la berenxena, siendo importantes depósitos les males yerbes de la familia de les Solanácees.
   Ver más información

   - Curtobacterium flaccumfaciens pv. flaccumfaciens (MARCHITEZ BACTERIANA DE LA XUDÍA): importante patóxenu de la xudía, anque tamién puede afectar a otros cultivos como la soya.
    Ver más información 

- Tecia solanivora (Polilla guatemalteca de la patata): Pequeñu lepidópteru güéspede específicu de la pataca (Solanum tuberosum). Los estadios larvarios aliméntense de tubérculos d'esta especie, bien sía nel cultivu o n'almacén, produciendo daños de magnitú tala que destruyen por completu los tubérculos afectaos.
    Ficha (pdf: 257 kb)

 

Frutal

   - Pseudomonas syringae pv. actinidiae (Chancro bacteriano del kiwi): grave enfermedá del quivi que ta causando grandes perdes na producción de quivi a nivel mundial.
    Ficha (pdf: 231 kb)

   - Erwinia amylovora (Fueu bacterianu): ye una de les enfermedaes más graves que pueden afeutar la peral, el pumar y a otres plantes de la familia de les rosácees, causando perdes económiques importantes tanto n’esplotaciones de frutales de pebita como nel sector de plantes orniamentales. Más información en:
    Cartel (pdf: 269 kb)
    Ficha (pdf: 182 kb)

 

Orniamentu

   - Phytophthora ramorum: ye un fungu que n’Europa afeuta principalmente a especies orniamentales de los xéneros Rhododendron, Viburnum y Camellia.
    Ficha (pdf: 1095 Kb)

   - Rhynchophorus ferrugineus: (PICUDU COLLORÁU DE LES PALMERES): coleópteru curculiónido de gran tamañu que constitúi anguaño unu de los insectos más dañibles pa les palmeres en tol mundu, causando xeneralmente la so muerte.
   Ver más información
   Boletín mayu 2018 

 

Dellos

   - Anoplophora chinensis: (Cerambícidu asiáticu de los planifolios): coleópteru furador que tien una gama amplia de güéspedes n’estremaos ámbitos vexetales (forestal, frutal, orniamental).
    Ficha (pdf: 581 kb)

   - Xylella fadiosa: ye una bacteria responsable de delles enfermedaes con efectos graves en numberoses especies d'interés agrícola; la clorosis variegada de los cítricos, la enfermedá de Pierce en viña, la falsa rickettsia del piescu en Prunus, el nanismu de l'alfalfa y el quemáu de fueyes n'otres maderices como les adelfas (Nerium sp.)
    Ver más información