Gobierno del Principado de Asturias

Asturias, mucho más cerca

Estás en

Aniciu Temes Agricultura y montes Sanidá Vexetal Plagues cuarentenaries
 

Sanidá Vexetal

Plagues cuarentenaries

Conoz los organismos dañibles pa los vexetales, importantes pola so posible presencia o riesgu d’introducción na rexón.

El Reglamentu (UE) 2016/2031 del Parlamentu Européu y del Conseyu, relativu a les midíes de protección contra les plagues de los vexetales, establez normes pa determinar los riesgos fitosanitarios que plantega cualesquier especie, cepa o biotipu d'axentes patóxenos, animales o vexetales parásitos que seyan nocivos pa los vexetales o productos vexetales (en delantre, “plagues”) y les midíes p'amenorgar los riesgos a un nivel aceptable.

En base al riesgu fitosanitariu les plagues a vixilar fueron clasificaes en dos categoríes principales: plagues cuarentenarias y plagues regulaes non cuarentenarias.

Plagues cuarentenaries: ausentes nel territoriu o presentes pero non ampliamente distribuyíes; con altu riesgu d'introducción, establecimientu o espardimientu; y que'l so impactu económicu, ambiental o social ye inaceptable. Dalgunes d'estes plagues agrúpense al tiempu en:

  • o Plagues prioritaries: les que pueden ocasionar un impactu más grave.
  • o Plagues cuarentenaries de zones protexíes: plagues presentes na mayor parte del territoriu de la UE, pero ausentes o baxo control oficial en determinaes zones xeográfiques, que puede ser un Estáu miembru por entero o una parte d'él.

Plagues regulaes non cuarentenaries: presentes nel territoriu, pero sometíes a determinaes midides de control.

Ye bien importante la detección temprana de los focos qu'apaecen per primer vegada y la execución de les midíes fitosanitaries necesaries pa intentar evitar el so establecimientu o polo menos, evitar el so espardimientu. Asina, nuna amplia normativa europea y nacional en materia de sanidá vexetal, establezse la obligación de realizar prospecciones nos sos territorios pa conocer la situación d'estes plagues.

A nivel nacional, el Ministeriu con competencies en sanidá vexetal establez un calendariu añal de prospecciones empobinaes a les plagues cuarentenaries de mayor interés nel nuestru país que les distintes comunidaes autónomes tienen d'aplicar nos sos territorios.

Por tolo dicho, ye importante dar a conocer les plagues vexetales importantes n'Asturies pola so posible presencia o riesgu d'introducción. De siguío apúrrese información de dalgunes d'elles, agrupaes pol tipu de vexetal o agospiador principal nel que pueden apaecer

Icono gráfico alusivo al tipo de archivo Plagues (Pdf: 465 Kb) (n'español)


Cualquier alcuentru que pudiera tener relación con dalguna d'estes plagues tendrá de ser comunicáu a la Sección de Sanidá Vexetal del Gobiernu del Principáu d'Asturies. Teléfonu 985.105. 630 / E-mail: svegetal@asturias.org