Gobiernu del Principau d'Asturies

Asturies, muncho más cerca

Tas en

Asturias.es Muyeres Violencia de xéneru Teléfonu 016
 

Violencia de xéneru

Teléfonu 016

A la primer señal de malos tratos, llama.

Logo teléfonu 016

Al traviés d’esti númberu, confidencial y de baldre, ufiértase información sobre recursos sociales y asesoramientu xurídicu, los 365 díes del añu. Les muyeres reciben información sobre los sos derechos en materia d’emplegu, servicios sociales, ayudes económiques, recursos d’información, d’asistencia y d’acoyida disponibles pa víctimes d’esta triba de violencia. La información completa y accesible ayuda a la proteición de les muyeres víctimes d’esta llácara social y contribúi a la so prevención.

 

El teléfonu empobínase:

  • a les muyeres víctimes de violencia de xéneru
  • a familiares de les víctimes
  • a collacios y conocíos de les víctimes
  • a la sociedá en xeneral

 

Presenta les carauterístiques siguientes:

  • Atención de consultes procedentes de tol territoriu.
  • Derivación de llamaes d’emerxencia al 112.
  • Coordinación con servicios asemeyaos de les comunidaes autónomes.
  • Información a les muyeres víctimes de violencia de xéneru y al so entornu sobre qué facer nel casu de sufrir maltratu, recursos, derechos de les víctimes y asesoramientu xurídicu.
  • Atención les 24 hores del día, de baldre y confidencial.
  • Atención en delles llingües:  castellanu, catalán, gallegu, vascu, inglés, francés, alemán, árabe, búlgaru, chinu, portugués, rumanu y rusu.

 

Pa persones con discapacidá auditiva y/o de fala900 116 016

Accesu al traviés de los medios siguientes:

  • Teléfonu de testu (DTS)
  • Teléfonu móvil (precisa configuración previa cola aplicación TOBMOVILE)
  • PDA (precisa configuración previa cola aplicación TOBMOVILE)

L’aplicación TOBMOVILE facilítase de baldre en: http://www.telesor.es

 

Serviciu d’asesoría xurídica:

  • De llunes a vienres de 9 a 21 hores
  • Sábados, domingos y festivos de 12 a 20 hores
  • Derechu Penal, Derechu Civil de Familia y Derechu del Trabayu
  • Información sobre los servicios específicos d’intervención llegal inmediata y Turnos d’Oficiu

 

Pa conocer tolos derechos específicos de les muyeres víctimes de la violencia de xéneru puedes consultar l’enllace siguiente, onde vas atopar información en delles llingües:

Guía de los derechos de les muyeres víctimes de violencia de xéneru