Gobierno del Principado de Asturias

Asturias, mucho más cerca

Estás en

Aniciu Temes Sociedá de la información Supresión de documentos a apurrir na Alministración del ...
 

Sociedá de la información

Supresión de documentos a apurrir na Alministración del Principáu d’Asturies

El Principáu adáptase a la Llei 11/2007 d’Accesu electrónicu de la ciudanía a los servicios públicos

Dende agora nos procedimientos tramitaos pola Alministración del Principáu d’Asturies, yá nun ye necesario qu’apurras los documentos siguientes:

  • Fotocopia del D.N.I./N.I.E.
  • Certificáu d’empadronamientu
  • Certificáu de tar al corriente nel cumplimientu de les obligaciones tributaries cola Facienda del Principáu d’Asturies.
  • Certificáu de tar al corriente nel cumplimientu de les obligaciones tributaries cola Axencia Estatal d’Alministración Tributaria.
  • Certificáu de tar al corriente nel cumplimientu de les obligaciones frente a la Seguridá Social

 

Si nun apurro nada, ¿cómo comprueba l’alministración los mios datos?

Porque l’Alministración del Principáu d’Asturies yá ta conectada informáticamente con otres alministraciones ya intercambia información coles mesmes.  Pa que puea acceder a esta información sobre la to persona ye necesario que deas el to consentimientu a la consulta.

El mentáu consentimientu otórgase si se dexa en blanco la casiella venceyada al párrafu siguiente, que figura al pie de tolos formularios de solicitú d’esta alministración:

Nun autorizo a que’l Principáu d’Asturies atrope información llegalmente pertinente, nel marcu de collaboración coles Alministraciones. Nesti casu, tendré d’apurrir los documentos que l’Alministración rica

¿Cuáles son les ventayes pa min?

La mio rellación cola Alministración del Principáu d’Asturies resulta má cercana, más áxil, más ecolóxica y más receptiva coles mios necesidaes. En definitiva, aforro papel y tiempu, pos nun voi precisar escanear nin fotocopiar o solicitar de l’alministración competente estos documentos y polo tanto la tramitación de los procedimientos de solicitú va facese con mayor facilidá y rapidez.

¿Yá nun ye necesario nunca l’aporte d’estos documentos?

La supresión de la obligación d’apurrir los documentos indicaos refierse a los procedimientos alministrativos que se tramiten al traviés de l’Alministración del Principáu d’Asturies, nun siendo los procedimientos tributarios. Asina mesmo, no tocante a contratación pública hai que tener en cuenta les sos especificidaes.

Per otra banda nun podemos confundir la supresión de la obligación d’apurrir fotocopia del DNI/NIE, cola necesidá en supuestos determinaos d’amosar el nuesu DNI/NIE p’acreitar la nuesa identidá. Por exemplu na concurrencia a la celebración d’un exerciciu d’un procesu selectivu.

¿Hai más documentos que puea dexar d’apurrir?

Anguaño, tamos trabayando na implantación de les midíes tecnolóxiques pa que, d’equí a poco, seya posible suprimir la obligación d’apurrir documentos nuevos.

Si necesites más información o tienes daqué duda al respective, llama al 012 o infórmate nuna oficina del Serviciu d’Atención Ciudadana.