Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes Sanidá Vexetal Hixene n'Esplotaciones agrícoles
 

Sanidá Vexetal

Hixene n'Esplotaciones agrícoles

tolos documentos n'español

Riesgos asociaos a la producción primaria agrícola

Nel procesu de producción de productos vexetales pa consumu humanu y animal esisten delles práctiques que suponen riesgos para la salú. Destaca de primeres l'acumuladura de contaminantes químicos en productos vexetales, sobre manera residuos de productos fitosanitarios, restos de productos de desinfección, metales pesaos… Tamién la presencia d'axentes patóxenos nos vexetales procedentes de distintes fontes (agua de riego, usu desaveniente de fertilizantes orgánicos, males  práctiques d'hixene de los operarios mientres el cultivu, recoyida o tresporte)  puede desencadenar d'apaición d'enfermedaes y crisis alimentaries. Los productores tienen responsabilidaes importantes a la de controlar estos riesgos y garantizar que nun se comprometa la seguridá alimentaria. 

 

Guíes de bones práctiques d'Hixene

 - Guía pa combatir los riesgos microbiolóxicos en frutes y hortolices fresques na producción primaria por aciu una bona hixene.
 - Guía de bones práctiques d'Hixene na Producción Primaria Agrícola.

 

Programa de Control Oficial de la Hixene nes Esplotaciones Agrícoles y Usu de Productos Fitosanitarios

L'oxetivu d'esti programa, parte integrante del Plan Nacional de Control de la Cadena alimentaria (2016-2020), ye velar pol cumplimientu de la llexislación y garantizar  la seguridá alimentaria n'ámbitu de la producción primaria agrícola. L'Autoridá Competente nel Principáu d'Asturies pa la realización de los controles ye la Conseyería de Desenvolvimientu Rural y Recursos Naturales. Tán suxetes a control oficial toles esplotaciones agrícoles que la so producción destínase a alimentación humana o animal. Les esplotaciones agrícoles que la so producción sía destinada dafechu al autoconsumu, y/o que la so producción nun tenga fines alimentarios namás tán obligaes al cumplimientu de les obligaciones rellacionaes col usu de productos fitosanitarios.

Los titulares son riquíos por aciu comunicación escrita pa entregar la documentación pertinente cola mira de verificar el cumplimientu de les sos obligaciones en materia d'Hixene y d'usu sostenible de productos fitosanitarios. Opcionalmente, l'autoridá competente puede realizar una visita a la esplotación cola mira de realizar in situ les comprobaciones y proceder a la toma d'amueses. Mientres el control van verificase distintos aspectos rellacionaos con usu de productos fitosanitarios, la hixene a lo llargo del ciclu de producción primaria (operaciones de cultivu, collecha, almacenamientu, envasáu, tresporte) y a lo último cola trazabilidá de la producción agrícola.

 

Llistaos de comprobación de los inspectores: 

   Icono gráfico alusivo al tipo de archivo Control documental (Pdf: 182 Kb)
   Icono gráfico alusivo al tipo de archivo Control in situ (Pdf: 212 Kb)

 

Más información:

   Icono gráfico alusivo al tipo de archivo Información sobre'l Programa de Control Oficial (Pdf: 128 Kb)
   Icono gráfico alusivo al tipo de archivo Normativa básica d'aplicación (Pdf: 117 Kb)
   Icono gráfico alusivo al tipo de archivo Documentación y Rexistros qu'han caltener los titulares d'esplotaciones agrícoles (Pdf: 204 Kb)