Asturias, mucho más cerca
Asturias, mucho más cerca
Los MVMC tienen naturaleza especial derivada de la so propiedá de mancomún ensin asignación de cuotes (réxime de propiedá xermánica), siendo titularidá de los vecinos qu'en cada momentu vivan nel llugar y integren el grupu comunitariu de que se trate. Esti tipu de propiedá dispón d'una llexislación propia, ensin perxuiciu de l'aplicabilidá de la llexislación de montes y otra xeneral, que regula determinaos aspectos de la so xestión dende'l momentu que son declaraos como tales.
Dende primeros del sieglu XIX, cola creación del conceyu constitucional modernu, hasta finales de los años cincuenta del pasáu sieglu XX nun vuelve reconocese llegalmente la existencia d'esti tipu de propiedá nel nuestru país (de primeres solo nes cuatro provincies de Galicia; artículu 4 de Llei de Montes de 1957 y Llei sobre montes vecinales en mancomún de 1968).
La Orde Ministerial de 6 de mayu de 1975 del Ministeriu d'Agricultura, énte la posibilidá d'existencia d'esti tipu de propiedá fuera de Galicia, crea los xuraos de clasificación tamién p'Asturies, Llión, Santander y Zamora, y pocos años dempués, yá en democracia, publícase la tovía vixente Llei 55/1980, de 11 de payares, de montes vecinales en mancomún. Los seis primeros montes clasificaos como vecinales en mancomún resuélvense n'añu 1980 y lleguen a clasificase 72 montes d'esti tipu hasta que se realiza'l trespasu de competencies ente l'Estáu y la Comunidá Autónoma (añu 1984).
Tres un periodu d'inactividá'l Gobiernu del Principáu d'Asturies, en base yá a la Llei nacional de 1980, pon en marcha nuevamente'l Xuráu de Clasificación de montes vecinales en mancomún (Decretu 25/93, de 13 de mayu, pol que se crea'l Xuráu de Montes Vecinales en Mancomún del Principáu d'Asturies y regúlase la so composición).
N'añu 2004 entra en vigor la Llei del Principáu d'Asturies 3/2004, de Montes y Ordenación Forestal que'l so títulu segundu compendia la nuestra regulación autonómica pa esti tipu de propiedaes.
N'Asturies hai pel momentu declaraos 77 montes vecinales en mancomún que sumen daqué menos de 25.000 hectárees d'estensión en total. Nesta llista ordenada por conceyos recuéyense los datos principales de los MVMC que foron declaraos hasta abril del 2010.
Llistao (Pdf: 30 Kb)
La composición actual y el reglamentu de funcionamientu del Xuráu ta regulada pol Decretu 23/2007, de 14 de marzu, pol que se regula la organización y funcionamientu del Xuráu de Clasificación de Montes Vecinales en Mancomún del Principáu d'Asturies.
La Resolución de 26 de febreru de 2016, de la Conseyería de Desenvolvimientu Rural y Recursos Naturales designó dalgunos de los miembros titulares y suplentes actuales del Xuráu de Clasificación de Montes Vecinales en Mancomún del Principáu d'Asturies.
Na tabla siguiente recuéyense los espedientes últimos sobre los que trabayó o ta trabayando'l Xuráu de Clasificación.
| Nº Espte. | Entamáu na reunión del Xuráu de: | Nome Monte | Conceyu | Fecha fin procedimientuo Xuráu | Resultáu |
| MVMC-1/2016 | 21/11/2016 | Villamarín | Grau | ||
| MVMC-1/2018 | 04/11/2019 | Corés | Somieu | ||
| AUTO/2019/95 | 04/11/2019 | Benzúa | Llanes | 04/11/2019 | Acumuláu nel AUTO/2019/97 |
| AUTO/2019/97 | 04/11/2019 | La Rasa de los Carriles | Llanes | ||
| AUTO/2019/105 | 04/11/2019 | La Rasa y los Carriles | Llanes | 04/11/2019 | Acumuláu nel AUTO/2019/97 |
| AUTO/2019/150 | 04/11/2019 | Robleu | Llanes | ||
| AUTO/2019/151 | 04/11/2019 | Moandí, Nava y La H.ermosa | Llanes | ||
| AUTO/2019/152 | 04/11/2019 | Puertu Sueve | Piloña | ||
| AUTO/2019/153 | 04/11/2019 | La Peñe Villa | Llanes | 04/11/2019 | Acumuláu nel AUTO/2019/151 |
| AUTO/2019/154 | 04/11/2019 | Sierra de Nieres y Grandamuel.le | Tinéu | ||
| AUTO/2019/155 | 04/11/2019 | Fonfaraón | Tinéu | ||
| AUTO/2019/184 | 04/11/2019 | El Campón | Eilao | ||
| AUTO/2019/185 | 04/11/2019 | Sierra de Vi.labona | Tinéu | ||
| AUTO/2019/188 | 04/11/2019 | Sierra de Miño y La L.lomba de Forcal.láu | Tinéu | ||
| AUTO/2019/190 | 04/11/2019 | Castañéu | Valdés | ||
| AUTO/2019/191 | 04/11/2019 | Raigosu | Llaviana | ||
| AUTO/2019/192 | 04/11/2019 | 'El Aramo', 'Canto de la Plana de la Raíz', 'El Carbayón, Pico del Gato, Mogote y Bustiello', 'Forcada, Reguerones y Monsacro', 'La Mostayal', 'Roza de Arganeo' | Morcín | ||
| AUTO/2019/193 | 04/11/2019 | Poles, Rebollín y Rebollinos | Salas | ||
| AUTO/2019/194 | 04/11/2019 | Pumarega-El Vale | A Veiga | ||
| AUTO/2019/387 | 04/11/2019 | El Val.lín | Tinéu | ||
| AUTO/2019/2158 | 04/11/2019 | Buscomún, La Penil.lina, Acebéu, Pisones y Baudes | Tinéu | ||
| AUTO/2019/2161 | 04/11/2019 | Aguinu | Somiéu |
Pa cualesquier consulta o manifestación sobre los espedientes en trámite, pueden dirixise a:
Email: juradomvmc@asturias.org
Xuráu de Montes Vecinales en Mancomún
Conseyería de Desarrollu Rural, Agroganadería y Pesca. Serviciu de Montes
EASMU C/Trece Roses, nº 2
33005-UVIÉU
26/04/2020
24/04/2020
28/01/2020
