Gobiernu del Principau d'Asturies

Asturies, muncho más cerca

Tas en

Asturias.es Temes Industria y enerxía Itvasa plantega una ampliación d’horarios y l’ apertura en ...
 

Industria y enerxía

Itvasa plantega una ampliación d’horarios y l’ apertura en sábados pa desconxestionar les inspecciones y reducir los tiempos d’espera

La Conseyería d'Industria propón a los representantes de los trabayadores que les estaciones abran dos hores diaries más cada día y una vez en fin de selmana. La nueva planificación va entrar a valir el 3 d'agostu para entainar les cites pendientes y atender en plazu a los conductores que la so ITV caducara dende'l final del estáu d'alarma

24/07/2020

La dirección de la empresa Inspección Técnica de Vehículos SA (Itvasa), dependiente de la Conseyería d'Industria, Empléu y Promoción Económica, plantegó a la representación de losl trabayadores un cambéu de los horarios para entainar les inspecciones y poder dar cita en plazu a tolos vehículos.

La propuesta inclúi dos actuaciones. De primeres, una ampliación en dos hores diaries de l'atención de llunes a vienres (una hora por turnu), de tal manera que les estaciones van tar operatives ente les 6:00 y les 23:00 hores; y, de segundes, l'apertura de los centros de trabayu un turnu, la mañana de los sábados. La intención d’Itvasa ye qu'estos cambeos entren en funcionamientu dende’l del llunes 3 d'agostu.

Con esta decisión, la Dirección Xeneral d'Industria tien por oxetu desconxestionar les llistes d'espera acumulaes nes inspecciones de vehículos tres el zarru de les nueve estaciones asturianes nos 37 díes hábiles por cuenta de la pandemia y, asina, dar respuesta en plazu a la sociedá asturiana.

El 16 de marzu, primer día tres la declaración del estáu d'alarma, había 38.658 vehículos citaos que nun pudieron ser atendíos. Hasta'l 11 de mayu pasáu, día en que reabrieron los puntos d'atención al públicu, atropárense otres 88.726 solicitúes.

La reorganización de la xornada de trabayu ye una de les opciones permitíes pol Estatutu de el Trabayadores. A pesar del zarru d'instalaciones pola crisis de la COVID-19, Itvasa arrenunció a presentar un espediente de regulación temporal d'empléu y caltuvo les condiciones sociollaborales de la plantiya en tol periodu d'alarma.

Dende la dirección d’ Itvasa ta trabayándose n'otres midíes, ente les que figuren el refuerzu de plantiyes y la posibilidá de poner en marcha instalaciones provisionales d'inspección.


Icono gráfico alusivo al tipo de archivo Audiu (Audiu: 746 Kb) (n'español)

Información sobre el documento

© Copyright 2006. Gobiernu del Principau d'Asturies