Gobiernu del Principau d'Asturies

Asturies, muncho más cerca

Tas en

Asturias.es El Gobiernu d’Asturies aprueba la segunda llinia d'ayudes pa ...
 

Aniciu

El Gobiernu d’Asturies aprueba la segunda llinia d'ayudes pa proyectos d'investigación sobre memoria histórica

El Principáu va financiar con 25. 000 euros estudios, xornaes, conferencies, esposiciones y actos conmemorativos. pa la concesión de les subvenciones va tenese en cuenta criterios como l’interés social y la difusión de les iniciatives nel ámbitu educativu

15/05/2018

El Gobiernu d'Asturies, al traviés de la Conseyería de Presidencia y Participación Ciudadana, punxo en marcha la segunda convocatoria d'ayudes para financiar proyectos d'investigación rellacionaos cola Llei de Memoria Histórica, que cunta con un presupuestu de 25.000 euros. L'importe máximu ye de 5.000 euros por solicitante.

Esta llinia de subvenciones diríxese a entidaes ensin ánimu d'arriquecimientu que tengan apoyar económicamente les siguientes iniciatives:

Realización d'estudios sobre fontes documentales y la so publicación, informes y documentos, testimonios orales, materiales y didácticos ya inventarios d'elementos venceyaos a la guerra civil y la posterior represión franquista.

Organización de cursos, seminarios y conferencies.

Ellaboración de materiales pa la comunicación, publicidá y espardimientu de les actividaes realizaes.

Celebración d'esposiciones y actos conmemorativos.

Pa la concesión de les ayudes van tenese en cuenta criterios como l'interés social de los proyectos, el so espardimientu nel ámbitu educativu, la especialización de los equipos y la calidá técnica de les iniciatives. Les bases van publicase mañana, miércoles, nel Boletín Oficial del Principáu (Bopa).

Trés entidaes beneficiaes na primer convocatoria

Esta ye la segunda convocatoria d'ayudes p'actividaes de recuperación y conocencia de la memoria histórica abierta pol Gobiernu d'Asturies. La primera, puesta en marcha en 2017 cola mesma cuantía, benefició a trés entidaes; per un sitiu, la Fundación Juan Muñiz Zapico y Acción en Rede, qu'entamaron dos esposiciones sobre la llucha obrera na dictadura y l'éxodu que se produció en Xixón na Guerra Civil y, per otru, l'Asociación de Fontes Orales pa la Hestoria Social d'Asturies, qu'ellaboró materiales didácticos pa docentes y alumnos d'Enseñanza Secundaria Obligatoria (ESO) sobre la violación de los derechos humanos nel franquismu.

Con esta nueva convocatoria, l'Executivu autonómicu avanza nel so compromisu de promover la conocencia de la historia recién del Principáu y recuperar la memoria de los que carecieron persecución o violencia na guerra civil y la dictadura. Col mesmu oxetivu, el Conseyu de Gobiernu aprobó en marzu la renovación d'un conveniu de collaboración cola Universidá d'Uviéu p'actualizar el mapa de fueses comunes y la base de datos de víctimes y persones represaliaes.

Amás, y nel ámbitu de la comisión técnica d'espertos na que participen el Principáu, la Universidá y la Federación Asturiana de Conceyos (FACC), ta peracabándose la ellaboración d'un catálogu autonómicu de muertes pa dar cumplimientu a los encamientos de la Llei de Memoria Histórica sobre esta simboloxía.

 

 

Información sobre el documento

© Copyright 2006. Gobiernu del Principau d'Asturies