Gobiernu del Principau d'Asturies

Asturies, muncho más cerca

Tas en

Asturias.es Gobiernu Actualidá Les axencies britániques busquen destinos turísticos nuevos ...
 

Actualidá

Les axencies britániques busquen destinos turísticos nuevos n’Asturies p’aumentar la so ufierta de viaxes

- Representantes de la empresa especializada en naturaleza Speyside Wildlife visiten estos díes el Principáu

13/08/2019

Representantes de l’axencia británica Speyside Wildlife, allugada n’Escocia, visiten estos díes Asturies cola mira de buscar destinos nuevos colos qu’aumentar la so ufierta de viaxes. La empresa ta especializada en percorríos de naturaleza y observación de fauna y flora dirixíos a grupos pequeños. Anguaño ufierta ente la so programación una ruta pel norte d’España, qu’incluye visites a Xixón y Somiedu, y busca otros enclaves pa los sos catálogos del 2021.

El Gobiernu del Principáu, al traviés de la Sociedá Pública de Xestión y Promoción Turística y Cultural, entama esta visita de familiarización, resultáu d’un viaxe anterior dirixíu a les axencies participantes nes xornaes d’ecoturismu celebraes en payares en Cangas del Narcea.

N’ámbitu internacional, el mercáu británicu ye’l terceru n’importancia pa la comunidá. Alredor de 40.000 persones procedentes del Reinu Uníu pernocten cada añu n’Asturies, una cifra que quier aumentase cola asistencia a feries como la World Travel Market de Londres, prevista pa payares, o la Birdfair de Rutland, que se va celebrar esta fin de selmana.

Tamién se potenciaron los viaxes de prospección con axencies especializaes en naturaleza, turismu activu y publicidá que trabayen colos medios dedicaos al sector con más divulgación nel Reinu Uníu.

 

Información sobre el documento

© Copyright 2006. Gobiernu del Principau d'Asturies