Gobiernu del Principau d'Asturies

Asturies, muncho más cerca

Tas en

Asturias.es Unos 150 observadores participen na ellaboración del censu anual ...
 

Aniciu

Unos 150 observadores participen na ellaboración del censu anual d'aves acuátiques ivernantes qu'ellabora'l Principáu

El conseyeru de Desenvolvimientu Rural, Alejandro Calvo, visita unu de los grupos de trabayu que recueyen información na ría de Villaviciosa. Esta iniciativa empezó en 1995 y proporciona una información imprescindible pa valorar la situación de les distintes especies a nivel européu

El consejero de Desarrollo Rural, Agroganadería y Pesca, Alejandro Calvo segundo por la izquierda en la foto, junto a voluntarios y técnicos de la consejería que participan en la elaboración de censo

11/01/2020

La Conseyería de Desenvolvimientu Rural, Agroganadería y Pesca realiza esta fin de selmana'l censu anual d'aves acuátiques ivernantes nel que van participar alredor de 150 observadores y qu'anguaño cunta cola collaboración de la Sociedá Española d'Ornitoloxía (SEO/Birdlife), el Grupu Ornitolóxicu Mavea y el Grupu Ibéricu de Anillamiento (GIA). El conseyeru Alejandro Calvo, visitó güei a un grupu de los observadores que recueyen información na ría de Villaviciosa pa conocer la iniciativa.

A lo llargo de les dos xornaes, dende les ríes del Eo, Navia, Nalón, Villaviciosa, Ribeseya y Tina Mayor, y dende delles zones de mariña, ríos, llagos y banzaos de tola rexón, los observadores van axuntar la información que va mandase a la Sociedá Española d'Ornitoloxía, encargada de centralizar los censos a nivel nacional.

La iniciativa, qu'empezó en 1995 n'Asturies y foi ampliando les zones de recoyida de datos hasta cubrir tola rexón, considérase imprescindible pa realizar una semeya fixa de caúna de les especies a nivel européu y contribuye a revelar la importancia que tienen los distintos llugares pa la ivernada de les aves. Amás, los datos llograos a lo llargo de los años dexen conocer les tendencies de les poblaciones y valorar la situación de les distintes especies.

   Icono gráfico alusivo al tipo de archivo Audiu (Audiu: 772 Kb)(n'español)

Información sobre el documento

© Copyright 2006. Gobiernu del Principau d'Asturies