Gobiernu del Principau d'Asturies

Asturies, muncho más cerca

Tas en

Asturias.es Información de los Conceyos El to Conceyu El Gobiernu d’Asturies adhierse como observador a la Rede ...
 

El to Conceyu

El Gobiernu d’Asturies adhierse como observador a la Rede d’Entidaes Locales pola Tresparencia y la Participación Ciudadana

El Principáu ye la cuarta comunidá que se suma a esta entidá vinculada a la Federación Española de Conceyos y Provincies

01/03/2020

La Conseyería de Presidencia va formar parte de la Rede d’Entidaes Locales pola Tresparencia y la Participación Ciudadana en calidá d’observador.

El Principáu conviértese asina na cuarta comunidá autónoma, depués de la Comunidá Valenciana, Murcia y Castiella y Llión, adherida a esta rede que promueve la innovación y meyora permanente de la rellación ente los gobiernos locales y la ciudadanía baxo los principios del gobiernu abiertu y l’intercambéu d’esperiencies, l’aprendimientu permanente y el desenvolvimientu de proyectos.

Tamién son observadores de la rede entidaes como’l Conseyu de Tresparencia y Bon Gobiernu d’España y Tresparencia Internacional. “La incorporación del Principáu d’Asturies va dexar, amás d’incorporar la nuestra esperiencia nes materies que trabaya la Rede, conocer les bones práctiques que se tán llevando a cabu n’otros sitios”, indica’l director xeneral de Gobernanza Pública, Tresparencia, Participación Ciudadana y Axenda 2030, José Antonio Garmón.

La presencia nesti tipu d’organismos ye una señal más del compromisu del Gobiernu d’Asturies cola tresparencia.

Información sobre el documento

© Copyright 2006. Gobiernu del Principau d'Asturies