Gobierno del Principado de Asturias

Asturias, mucho más cerca

Estás en

Aniciu Pa tí Persones entamadores Crear una empresa El Gobiernu d’Asturies y Bankinter firmen un conveniu p’ayudar a ...
 

Crear una empresa

El Gobiernu d’Asturies y Bankinter firmen un conveniu p’ayudar a les empreses a acceder a nuevos mercaos

La collaboración va permitir a les pymes llograr financiación en condiciones favorables pa encarar la so internacionalización. El conseyeru d'Industria destaca la capacidá competitiva de les compañíes rexonales n'una economía global y la medra de les sos esportaciones

El consejero de Industria, Empleo, y Promoción Económica, Enrique Fernández dcha. con el director comercial para la zona Asturias y León de Bankinter, Gonzalo Prado Sexto

30/01/2020

El Gobiernu d'Asturies, al traviés de la Sociedá de Promoción Esterior del Principáu (Asturex), suscribió güei un conveniu de collaboración con Bankinter que va facilitar a les pequeñes y medianes empreses l'accesu a productos y servicios diseñaos para sofitar la so internacionalización. L'alcuerdu foi ratificáu pol conseyeru d'Industria, Empléu y Promoción Económica y presidente de Asturex, Enrique Fernández Rodríguez, y el director comercial pa la zona Asturies y Llión de la entidá bancaria, Gonzalo Prado Sexto. Al actu asistió tamién la directora xeneral de Asturex, Teresa Vigón.

La nueva collaboración, que va reforzar los llazos ente dambes instituciones y el sofitu a les empreses asturianes nes sos estratexes d'accesu a nuevos mercaos, contempla la puesta a disposición de les pymes d'asesoramientu internacional personalizáu, ufiertáu por Bankinter, dirixíu a favorecer la seguridá y minorar el costu de los medios de pagu y cobru nel esterior a les empreses nel so procesu de internacionalización.

Dambes entidaes van collaborar igualmente na organización de xornaes técniques específiques, dirixíes a sectores empresariales definíos con cuenta de concretar necesidaes y poner formación, productos, servicios a disposición de les compañíes. Coles mesmes, tanto Asturex, al traviés de la so Rede Esterior de consultores, como Bankinter al traviés del so equipu de profesionales especializaos en comerciu esterior, van poner a disposición de les empreses la so esperiencia na asistencia técnica especializada en internacionalización y banca internacional.

La firma d'esti alcuerdu súmase a los que la Sociedá de Promoción Esterior del Principáu caltien con Banco Sabadell, Caxa Rural, Abanca y CaixaBank, enmarcaos nes acciones diseñaes pola sociedá pa facilitar la financiación de les operaciones internacionales de les empreses y sofitar asina la so promoción esterior.



Medra de les esportaciones

El conseyeru d'Industria, Enrique Fernández, señaló que la firma d'esti conveniu “refuerza les ferramientes de sofitu qu’Asturex pon a disposición del empresariáu asturianu p'ampliar la so presencia esterior y aportar a nuevos mercaos”. El conseyeru destacó la capacidá competitiva y esportadora de les empreses, mesmo que la positiva evolución de la balanza comercial del Principáu.

Nos once primeros meses de 2019 les esportaciones foron n'Asturies de 4.312,9 millones, un 8% más que nel mesmu periodu de 2018, ente que les importaciones xubieron a 3.699,9 euros (-9,9%). Esto permitió que la balanza comercial refundiara un saldu positivu de 613 millones. Asturies foi la tercer rexón con meyor comportamientu de les ventes al esterior depués d'Aragón y Navarra.

Por productos, les semifactures non químiques, los bienes d'equipu y los productos químicos encabecen les esportaciones asturianes, ente que, per países, les principales ventes concentráronse en Países Baxos, Francia, Italia, Turquía, Alemaña, EEXX. A lo llargo de 2019, con datos hasta payares, 1.913 empreses realizaron dalguna actividá esportadora y 589 d'elles venden de manera avezada n'otres naciones.

Información sobre el documento

© Copyright 2006. Gobierno del Principado de Asturias