Gobiernu del Principau d'Asturies

Asturies, muncho más cerca

Tas en

Asturias.es Families El nuevu calendariu de vacunación infantil meyora la protección ...
 

Families

El nuevu calendariu de vacunación infantil meyora la protección frente a la meninxitis y al virus del papiloma humanu

Inclúi la inmunización tetravalente a los 13 años pa los serogrupos A, C, W y Y, con un rescate a les cohortes menores de 18 en 2020. La defensa frente al VPH adelántase a los 10 años p’ameyorar la so eficacia y les cobertures

El director general de Salud Pública, Antonio Molejón, y el jefe de Servicio de Vigilancia Epidemiológica de la Consejería de Sanidad, Ismael Huerta

06/06/2019

El nuevu calendariu de vacunación infantil d'Asturies, qu'entró a valir esti mes, inclúi como principales novedaes la meyora na inmunización énte la meninxitis, al ampliar la protección a cuatroserogrupos (A, C, W,), y contra el virus del papiloma humanu (VPH), cuidao que la primer dosis adelántase de los 13 a los 10 años.

P'ameyorar la protección frente a la meninxitis, camúdase l'actual dosis, que previén la infección pol meningococu C y alminístrase a los 13 años, por una vacuna tetravalente que protexe frente a cuatroserogrupos: los meningococos A, C, W y Y. Esta inmunización va estendese a tolos adolescentes que cumplan 13 años en 2019 y se va revacunase a los que yá recibieron la dosis de meningococu C prevista nel calendariu anterior.

Estos cambeos respuenden al aumentu de casos d'enfermedá meningocócica invasora producíos polos serogrupos W y Y nes últimes temporaes, lo que llevó al alcuerdu del Sistema Nacional de Salú d'incluyir la vacuna frente a estos grupos nos calendarios de toles comunidaes.

Amás, nel primer semestre de 2020 va llevase a cabu una inmunización de rescate con esta vacuna tetravalente n'adolescentes hasta los 18 años p'amenorgar la tresmisión de la enfermedá y consiguir una protección más global. Esto va suponer la vacunación de cerca de 31.000 adolescentes que cumplen ente 15 y 18 años el próximu exerciciu. El costu extra d'esti cambéu, tanto nes dosis como na campaña, ronda'l millón d'euros.



Vacuna frente al virus del papiloma humanu

L'adelantu a los 10 años de la vacunación frente al virus del papiloma humanu pa toles neñes #deber a que, nesta edá, la respuesta a la dosis ye más intensa. Tamién se preve ameyorar el so algame al realizase más llueñe del final de la edá pediátrica, cuando les cobertories aparren un pocu.

Coles mesmes, espérase ameyorar la protección, una y bones estes vacunes consiguen mayor potencial preventivu antes del entamu de les relaciones sexuales, cuidao que la probabilidá d'infección ye más alta nos primeros contactos con una nueva pareya. Los últimos estudios nacionales amuesen que xuna proporción pequena pero significativa d'adolescentes yá s'empecipió nes relaciones sexuales a los 13 años.



Una vacuna segura

Tamién se prevé que l'adelantu de la edá de vacunación amenorgue la posibilidá d'un síncope, que ye'l principal efectu adversu descritu pola lliteratura científica. Sobre esto, el Global Advisory Committee on Vaccine Safety (GACVS), comité asesor de la Organización Mundial de la Salú (OMS) asegura, tres l'exame de gran cantidá d'estudios ya informes d'alta calidá metodolóxica, que la vacunación frente al virus del papiloma humanu ye estraordinariamente segura.

El GACVS almite que los únicos efectos adversos relevantes son la anafilaxia y el síncope. La primera, con una incidencia de que s'envalora en 1,7 casos por millón de dosis. Si se tien el precuru d'evitar una posible cayida al suelu, l'esmorecimientu supérase rápido y ensin nenguna remortina.

Pa realizar esti cambéu y garantizar la protección de toles neñes, va caltenese la vacunación a los 13 años hasta qu'aquelles qu'empiecen a ser inmunizadas a los 10 lleguen a esa edá. Esti cambéu va suponer un aumentu de los costos d'alquisición de les vacunes d'unos 100.000 euros de 2019 a 2022, y de 200.000 de 2020 a 2021, yá que mientres esos periodos va caltenese una vacunación doble: a los 10 y los 13 años.

Xunto con estos cambeos, el calendariu infantil actualizó delles indicaciones pa la vacunación frente al virus del papiloma humanu en persones de mayor riesgu, como homes que tienen sexu con homes, persones qu'exercen la prostitución, infectaes con VIH, tresplantaes o inmunosuprimidas, fundamentalmente.

 

   Icono gráfico alusivo al tipo de archivo Calendariu infantil (Pdf: 801 Kb) (n'español)
   Icono gráfico alusivo al tipo de archivo Cartel (Pdf: 2 Mb) (n'español)
   Icono gráfico alusivo al tipo de archivo Audiu (Audiu: 2 Mb) (n'español)

Información sobre el documento

© Copyright 2006. Gobiernu del Principau d'Asturies