Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes Alimentación La marca de calidá Alimentos del Paraísu va protagonizar la ...
 

Alimentación

La marca de calidá Alimentos del Paraísu va protagonizar la primer Feria Virtual Agroalimentaria de La Ascensión

El Principáu y el Conceyu d'Uviéu poretenden caltener asina una cita importante pal sector. Los puestos de los productores van poder visitase nun escenariu dixital que recrea la ciudá d'Uviéu

11/05/2020

La marca Alimentos del Paraísu va protagonizar la primer Feria Virtual Agroalimentaria de L'Ascensión. El Gobiernu d'Asturies pon en marcha esta iniciativa, en collaboración col Conceyu d'Uviéu, col fin de caltener una cita importante pal sector, tres la suspensión del eventu pola crisis sanitaria, y poner en valor la escelente calidá del sector.

La directora xeneral de Desenvolvimientu Rural ya Industries Agraries, Begoña López, esplicó que la midida enmárcase nes acciones que se desenvuelven n’apoyu al sector agroalimentariu, col propósitu de fomentar el consumu de productos asturianos. “Queremos utilizar los mecanismos al nuestru alcance pa sofitar a los nuestros productores y ellaboradores; por eso nun podíamos dexar pasar la oportunidá de recuperar de manera virtual esta feria, que va permitir llevar los nuestros productos a los llares en cualesquier parte del mundu”, señaló.

El públicu, que va poder aportar a la feria dende cualesquier dispositivu móvil, va tener la oportunidá de visitar los 40 puestos de productores nun escenariu virtual que recrea la ciudá d'Uviéu. La plataforma va dexar, amás d'efectuar compres en llínea, parolar en directu por videoconferencia con losl espositores.

La feria va celebrase na primer quincena de xunu y el programa va incluyir distintes actividaes, como presentaciones, cates y ellaboración de platos. Trátase de la primer vegada que les marques de garantía y calidá d'Alimentos del Paraísu participen nun eventu virtual d'estes característiques.

Información sobre el documento

© Copyright 2006. Gobiernu del Principau d'Asturies