Gobiernu del Principau d'Asturies

Asturies, muncho más cerca

Tas en

Asturias.es El Principáu defende que se tengan en cuenta les particularidaes ...
 

Aniciu

El Principáu defende que se tengan en cuenta les particularidaes de la comunidá nel marcu financieru nuevu de la Unión Europea

La conseyera de Facienda plantegó güei nel Comité de les Rexones la necesidá de collaborar con otros territorios con retos asemeyaos a los d'Asturies, como la transición enerxética

La consejera de Hacienda, Ana Cárcaba, en la reunión del grupo político de los Socialistas Europeo celebrada antes del pleno del Comité de las Regiones

08/10/2019

La conseyera de Facienda, Ana Cárcaba, plantegó güei en Bruxeles que se tengan en cuenta les particularidaes de la comunidá a la d'encarar el marcu financieru nuevu de la Unión Europea (UE). “Vamos defender siempre los intereses d'Asturies y pa eso tenemos de tener pesu na negociación del marcu nuevu”, aseguró la conseyera.

Cárcaba incidió na necesidá de que se tomen en considerancia delles característiques singulares d'Asturies; por exemplu, el fechu de que la comunidá yá tea somorguiada nel procesu de transición enerxética, pa lo que precisa sofitu económicu de les instituciones europees.

Al so paecer, nesti contestu van ser fundamentales les aliances con otres rexones que s'atopen n'idéntica situación, tanto n'España como nel restu de la UE. “Hai que se facer fuertes y buscar la collaboración con territorios qu'encaren dificultaes similares a la nuestres”, aseguró.

La titular de Facienda asiste na capital belga al Comité de les Rexones, que se celebra güei y mañana, y tamién va participar xunto col director xeneral d'Asuntos Europeos, Javier Vila, nuna serie d'actos paralelos.

El departamentu de Facienda asumió nesta llexislatura les competencies europees y el viaxe a Bruxeles sirvió pa que tanto la conseyera como'l director xeneral conozan de primera mano'l trabayu que desenvuelven los técnicos del Principáu nes instituciones comunitaries.

Información sobre el documento

© Copyright 2006. Gobiernu del Principau d'Asturies