Gobiernu del Principau d'Asturies

Asturies, muncho más cerca

Tas en

Asturias.es El Principáu va invertir 200.000 euros p’habilitar 78 places de ...
 

Aniciu

El Principáu va invertir 200.000 euros p’habilitar 78 places de garaxe nes viviendes públiques de La Reguerona, en Blimea

13/11/2017

   - El director xeneral de Vivienda y l’alcalde de Samartin del Rei Aurelio sistieron hoi al empiezu de les obres, que se van rematar enantes d’acabar l’añu .

El Gobiernu d'Asturies va invertir 200.000 euros na adecuación del suétanu de les viviendes públiques del barriu de La Reguerona, en Blimea (Samartín del Rei Aurelio), para acondicionalo como garaxe. Los trabayos van permitir crear 78 places, delles van acutase a persones con discapacidá.

El director xeneral de Vivienda, Fermín Bravo, y l'alcalde del conceyu, Enrique Fernández, asistieron güei, xunto con técnicos de la empresa Contrates Iglesias, axudicataria de la obra, al replantegu de los terrenos y a la firma d'autorización del entamu de los trabayos. El plazu d'execución ye de 45 díes, polo que ta previsto que concluyan enantes de final d'añu.

La intervención va consistir en dotar el suétanu, de 2.349,01 metros cuadraos de superficie, de les instalaciones necesaries pal so usu como zona de estacionamientu, acordies con la normativa vixente. Al tiempu, van sellase los murios perimetrales y van asitiase equipos de bombéu pa evitar filtraciones d'agua.

Bravo amosóse satisfechu pola actuación, que va permitir aprovechar unos locales anguaño ensin usu y dar serviciu a los habitantes de la zona.

 

 

Información sobre el documento

© Copyright 2006. Gobiernu del Principau d'Asturies