Gobiernu del Principau d'Asturies

Asturies, muncho más cerca

Tas en

Asturias.es Families El Gobiernu d'Asturies pon en marcha un paquete de midíes ...
 

Families

El Gobiernu d'Asturies pon en marcha un paquete de midíes p’aumentar el númberu de families d'acoyida

La Conseyería de Derechos Sociales y Bienestar y la Fundación Meniños presentaron gúei la campaña añal que promueve les acoyíes permanentes

De izquierda a derecha, el director de Infancia y Familias, Carlos Becedóniz; la directora general de Meniños, Mónica Permuí; la consejera de Derechos Sociales y Bienestar, Melania Álvarez, y el coordinador de la fundación en Asturias, Carlos Sáez

14/10/2019

El Gobiernu d'Asturies va poner en marcha un paquete de midíes pa sofitar a les families d'acoyida y aumentar el númberu de les que collaboren col Principáu na atención a menores. Ente estes actuaciones, destaquen la optimización del respaldu económicu y les facilidaes nos trámites pa la xestión de les ayudes.

Asina lo anunció güei la conseyera de Derechos Sociales y Bienestar Social, Melania Álvarez, na presentación de la campaña añal Se buscan abrazos, que desenvuelve la Fundación Meniños, entidá collaboradora del Principáu dende 2000 pa promover y xestionar les acoyíes permanentes. Álvarez aseguró que'l Principáu dobló los sos esfuerzos nesti sentíu. “Queremos que les families se sientan cuidaes, respetaes, protexíes y que formen parte d'un proyectu común”, sorrayó.

La conseyera destacó la solidaridá de les families y realizó un llamamientu pa que collaboren con esti proyectu, mesmo que pa llograr una mayor implicación nel sofitu “a la infancia más vulnerable”. En 2017, Asturies cuntaba con 67 families qu'acoyíen a menores colos que nun teníen nengún venceyu de parentescu (families ayenes) una cifra que, a pesar de nun ser abonda, doblóse al respective de 2015.

L'oxetivu de la campaña presentada güei, nun actu nel que tamién participaron el director del Institutu Asturianu pa l'Atención Integral a la Infancia y a les Families, Carlos Becedóniz, y la directora de Fundación Meniños, Mónica Permuy, ye cuntar con un bancu de families atopadices y adoptives n'Asturies, bien formaes y sofitaes, y dispuestes a faese cargu de menores con necesidaes bien diverses.

Anguaño, nel Principáu hai ocho menores a la espera d'una familia d'acoyida. Les persones interesaes pueden solicitar información nes siguientes páxines web:

www.acogimientoyadopciónasturias.org y www.meninos.org

   Icono gráfico alusivo al tipo de archivo Audiu (Audiu: 347 Kb) (n'español)

Información sobre el documento

© Copyright 2006. Gobiernu del Principau d'Asturies