Gobiernu del Principau d'Asturies

Asturies, muncho más cerca

Tas en

Asturias.es Temes Educación Centros educativos ya Instituciones Educación entama la tercer edición del Scratch Day, un eventu pa ...
 

Centros educativos ya Instituciones

Educación entama la tercer edición del Scratch Day, un eventu pa que l’alumnáu de Primaria y Secundaria aprienda a programar

La xornada va celebrase’l sábadu que vien nel palaciu d’esposiciones y congresos Ciudá d’Uviéu

09/05/2019

La Conseyería d’Educación y Cultura va celebrar esta fin de selmana, el tercer añu siguíu, el Scratch Day, un eventu pa que l’alumnáu de Primaria y Secundaria aprienda a codificar, programar y crear con una ferramienta, Scratch, qu’enseña a pensar de forma creativa, a razonar sistemáticamente y a trabayar de forma collaborativa.

L’eventu va facese’l sábadu 11, nel palaciu d’esposiciones y congresos de Ciudá d’Uviéu, y ta entamáu pol Serviciu d’Orientación Educativa y Formación del Profesoráu de la Conseyería d’Educación y Cultura, en collaboración cola Rede de Formación del Profesoráu d’Asturies y l’asociación Aulablog.

Tamién collaboren el Conceyu d’Uviéu, Oviedo Emprende y un grupu d’alumnos del IES Jerónimo González de Llangréu, amás de delles empreses especializaes na organización de talleres y actividaes educatives innovadores rellacionaes cola programación, la robótica y la realidá virtual.

La xornada busca promover l’aprendimientu, les competencies Steam (Science, Technology, Engineering, Arts and Maths) y l’averamientu a la programación creativa de les aules de 4.u, 5.u y 6.u de Primaria. Nesta edición, pela primer vez, van sumase estudiantes de Secundaria y del Centru d’Educación Especial Edes. En total, van participar doce centros educativos.

Na xornada, alumnos, profesores y families van axuntase p’amosar y compartir los proyectos diseñaos, participar en talleres, collaborar na feria y aprender mutuamente.



Centros participantes

Del ámbitu del Centru del Profesoráu y de Recursos (CPR) d’Uviéu:

   - CP San Pedro de los Arcos (Uviéu)
   - CP San Lázaro-Escuelas Blancas (Uviéu)
   - COL Peñamayor (Siero)
   - CP Lugo de Llanera (Llanera)

Del ámbitu del CPR de Xixón-Oriente:

   - CP Maliayo (Villaviciosa)
   - CP Severo Ochoa (Xixón)
   - IES Rosario Acuña (Xixón)
   - IES Peñamayor (Nava)

Del ámbitu del CPR d’Avilés-Occidente:

   - CP San Félix (Candás)
   - CEE EDES (Tapia de Casariego)

Del ámbitu del CPR Cuencas Mineras:

   - CP El Parque (Blimea)
   - IES Bernaldo de Quirós (Mieres)

 

Información sobre el documento

© Copyright 2006. Gobiernu del Principau d'Asturies