Gobiernu del Principau d'Asturies

Asturies, muncho más cerca

Tas en

Asturias.es Temes Turismu Ayudes pa empreses y actividaes El Gobiernu d’Asturias anueva el so compromisu cola promoción ...
 

Ayudes pa empreses y actividaes

El Gobiernu d’Asturias anueva el so compromisu cola promoción turística de la ruta Vía de la Plata

El nuevu protocolu d’actuación alcordóse nel marcu de la feria INTUR, en Valladolid

25/11/2016

El Gobiernu d'Asturies caltién el so compromisu cola promoción y la comercialización turística de la ruta Vía de la Plata. El director xeneral de Comerciu y Turismu, Julio González Zapico, participó na definición del alcuerdu d'actuación pa los próximos años nel marcu de la Feria INTUR, en Valladolid.

Con esti alcuerdu, nel que participen, amás d'Asturies, les comunidaes d'Andalucía, Estremadura y Castiella y Llión y un total de 26 conceyos, siguirá promocionándose esti itinerariu, coles mires d'incrementar el fluxu de turistes.

“El Principáu trabaya xunto coles restantes comunidaes implicaes nesta ruta dende 2008 pa sumar recursos ya impulsar el recorríu. Apostamos asina por un productu turísticu que cuenta con gran potencial de futuru y que xune paisaxes y cultures de norte a sur, conformando un itinerariu absolutamente irrepetible”, señaló Zapico.

El protocolu suscritu plantega la continuidá d'iniciatives venceyaes col desenvolvimientu de la ruta como destino cicloturista, ameyorando la so señalización, según la collaboración con otros recorríos de relevancia, baxu figurar Rutes culturales d'España. Tamién se caltienen acciones de promoción específiques col propósitu d'algamar mayor proyección nel ámbitu nacional y l'européu.

Información sobre el documento

© Copyright 2006. Gobiernu del Principau d'Asturies