Gobiernu del Principau d'Asturies

Asturies, muncho más cerca

Tas en

Asturias.es El Principáu va abonar na primer quincena de payares l'anticipu ...
 

Aniciu

El Principáu va abonar na primer quincena de payares l'anticipu del 70% de les ayudes a vacunu de lleche y nodriza de la PAC

La midida va facer llegar a casi 6. 600 ganaderos asturianos 12,4 millones, un 20% más que nel 2018

18/10/2019

El Gobiernu d'Asturies va abonar na primer quincena de payares l'anticipu del 70% de les ayudes a vacunu de lleche y vaca nodriza de la Política Agraria Común (PAC). La cuantía total que se va adelantrar ye casi un 20% más que nel exerciciu anterior.

La Conseyería de Desenvolvimientu Rural, Agroganadería y Pesca va pagar a 6.592 profesionales de la ganadería 12.424.806 euros, lo que supón llegar al tope máximu d'anticipu autorizáu pola Unión Europea (UE) para esti exerciciu, un porcentaxe qu'estableció como respuesta al pidimientu de dellos países, ente ellos España. La cuantía que se va adelantrar supón una medra de 2.065.137 euros al respective de 2018, añu nel qu'esti abonu xubió a 10.359.669.

L'anticipu d'ayudes a vaques nodrices, que supón un importe de 6.971.103 euros, va llegar a 5.059 ganaderos. Pela so parte, les ayudes que van llegar antemanadamente a vacunu de lleche xuben a 5.453.702 euros y van beneficiar a 1.533 esplotaciones.

Estes llinies de sofitu de la PAC son un importante preséu pal impulsu de les polítiques del Principáu nesti sector, cuidao que contribúin a la viabilidá económica de les ganaderíes y a amenorgar el riesgu d'abandonu l'actividá granible. Amás, apurren un nivel de vida razonable a los profesionales y garanticen la so renta, de la que favorecen la modernización de les esplotaciones, calteniendo'l mediu ambiente y el paisaxe rural.

Información sobre el documento

© Copyright 2006. Gobiernu del Principau d'Asturies