Gobiernu del Principau d'Asturies

Asturies, muncho más cerca

Tas en

Asturias.es Temes Vivienda El Principáu entrega cuatro pisos más n’Uviéu pa la segunda fase ...
 

Vivienda

El Principáu entrega cuatro pisos más n’Uviéu pa la segunda fase del programa d’inclusión social Housing first

El proyectu, llamáu nel conceyu el mio llar, primero, empezó en xunetu del 2017 y yá suma nueve inmuebles. Esti modelu d’intervención social dispón de 24 viviendes na capital asturiana, Xixón, Avilés y el Franco, onde viven 25 persones

La concejala de Atención a las Personas, Marisa Ponga: el alcalde de Oviedo, Wenceslao López; la consejera de Servicios y Derechos Sociales, Pilar Varela, y el el presidente de la Asociación Albéniz, Javier Vicente

02/04/2019

El Gobiernu d’Asturies entregó güei cuatro pisos públicos a otres tantes persones ensin techu, escoyíes polos servicios sociales municipales d’Uviéu en collaboración cola Asociación Albéniz, que pasen a participar nel programa d’inclusión al traviés de la vivienda Housing first.

D’esta forma, el proyectu, llamáu a nivel municipal El mio llar, primero, empieza una segunda fase que quier afitar el trabayu principiáu en xunetu del 2017 y que dexa dar sofitu a otres cinco persones en dos viviendes públiques.

La conseyera de Servicios y Derechos Sociales, Pilar Varela, y l’alcalde d’Uviéu, Wenceslao López, informaron güei de les axudicaciones, que se llevaron a cabu a puerta zarrada pa caltener la intimidá de los beneficiarios. Tamién participaron el director xeneral de Vivienda, Fermín Bravo; la conceyala d’Atención a les Persones, Marisa Ponga, y el presidente de l’Asociación Albéniz, Javier Vicente.

El proyectu Housing First implantóse n’Asturies nel 2016, gracies al trabayu coordináu del Principáu y los conceyos d’Uviéu, Xixón y Avilés, onde se concentren los principales casos de persones ensin techu. L’Executivu autonómicu pon a disposición les viviendes y los conceyos, pela so parte, contraten a la entidá que realiza’l trabayu d’acompañamientu coles persones beneficiaries.

Na primer fase del programa entregáronse 14 viviendes: 4 n’Avilés, 5 n’Uviéu y 5 en Xixón. Tamién empezó una esperiencia a nivel rural col Conceyu d’El Franco, onde s’axudicó una vivienda compartida por dos persones.

Na segunda fase, que se desenvuelve na actualidá, yá se punxeron a disposición de los conceyos otros 5 inmuebles n’Avilés, más los que güei se dan n’Uviéu, polo que les viviendes que yá tán en serviciu xuben a 24, anque la cifra va xubir a 30 cola próxima axudicación d’otres 5 en Xixón y otra más n’Avilés.

Varela celebró l’éxitu del programa y recordó la necesidá de buscar fórmules nueves pa favorecer la inclusión social de les persones con mayores dificultaes. Amás, recordó que’l programa busca facilitar l’autonomía de los participantes, como reflexa’l fechu de que los beneficiarios soscriben un contratu d’arriendu y pasen a vivir en viviendes públiques, con tolos derechos y obligaciones de los renteros habituales.

 

   Icono gráfico alusivo al tipo de archivo Audiu (Audiu: 1 Mb) (n'español)

Información sobre el documento

© Copyright 2006. Gobiernu del Principau d'Asturies