Gobiernu del Principau d'Asturies

Asturies, muncho más cerca

Tas en

Asturias.es Infancia y Families L’ HUCA celebra'l Día del Neñu Hospitalizáu con una mujestra que ...
 

Infancia y Families

L’ HUCA celebra'l Día del Neñu Hospitalizáu con una mujestra que recueye un centenar de trabayos realizaos mientres el confinamientu

31 menores permanecen ingresaos anguaño nel Hospital Universitariu Central d'Asturies

13/05/2020

L'Hospital Universitariu Central d'Asturies (HUCA) conmemora güei el Día del Neñu Hospitalizáu con una esposición qu'axunta un centenar de dibuxos, mensaxes y semeyes realizaos por menores, profesionales y voluntarios y arrexuntaos mientres les selmanes de confinamientu pola pandemia de la COVID-19.

La emerxencia torgó la celebración d'esta efeméride, na que tradicionalmente entamábase un actu públicu qu'incluyía la llectura, per parte de los pequeños, d'un manifiestu escritu polos mesmos menores, xuntu con voluntarios y familiares.

L'amuesa, que s'esibe na entrada d'hospitalización xunto cola Carta Europea de los Derechos de la Infancia, rinde homenaxe a les persones que curien de les neñes y neños hospitalizaos nestos momentos d'emerxencia sanitaria.

La cartelería de l'amuesa ye obra d'Alicia Varela y Eduardo Soares, del Estudiu Vagoom, artífiz del proyectu de humanización de la área de Pediatría del HUCA.

Anguaño, tán ingresaos nel HUCA 31 menores: 10 hospitalizaos en planta, 3 na Unidá de Cuidaos Intensivos Pediátrica y 18 en Neonatoloxía. El centru atiende añalmente 2.345 ingresos infantiles, 20.000 consultes y 26.000 urxencies pediátriques.

Información sobre el documento

© Copyright 2006. Gobiernu del Principau d'Asturies