Gobierno del Principado de Asturias

Asturias, mucho más cerca

Estás en

Aniciu Pa tí Persones entamadores Crear una empresa El Gobiernu d'Asturies convoca ayudes de sofitu a la innovación ...
 

Crear una empresa

El Gobiernu d'Asturies convoca ayudes de sofitu a la innovación por 10,5 millones

— Ciencia destina más de la metá de la cuantía a impulsar los proyectos d'I+D en pymes y grandes empreses. — El conseyeru Borja Sánchez destaca'l cumplimientu del compromisu d'afitar el calendariu de convocatories del añu

09/03/2020

El Gobiernu d'Asturies destina 10,5 millones a ayudes pa impulsar proyectos d'innovación nel texíu empresarial. La Conseyería de Ciencia, Innovación y Universidá acaba de publicar, al traviés del Institutu de Desenvolvimientu Económicu del Principáu (Idepa), el calendariu de convocatories pa esti añu, qu'arrinca esti mes y estiéndese hasta setiembre y qu'inclúi más de media docena de programes pa pymes, compañíes de base tecnolóxica, y empreses tractores.

El conseyeru de Ciencia, Borja Sánchez, destacó'l volume de financiación que se destina a impulsar estes actuaciones y el cumplimientu del compromisu d'afitar les feches de convocatories pa tol añu, daqué que tamién se realizará nel área d'investigación.

De siguío defínense dalgunes de les llinies básiques de les convocatories:

Proyectos d'I+D nel Principáu enmarcaos nos campos d'especialización d'Asturies RIS3. Ye la convocatoria con mayor financiación, 4,6 millones, y ta dirixida a pymes y grandes empreses. Los proyectos tienen d'encuadrase nes categoríes d'Investigación Industrial, Desenvolvimientu Esperimental o Estudios de Viabilidá. La previsión ye que les solicitúes puedan presentase dende'l 16 d'abril hasta'l 4 de setiembre.

Ayudes Anueva Idepa. Con una dotación de 1,5 millones, tán dirixíes a subvencionar proyectos de desenvolvimientu ya innovación dientro de les prioridaes tecnolóxiques d'Asturies RIS3 nos ámbitos de sostenibilidá, bioeconomía y mercaos agroalimentarios, dxitalización de la industria, polu del aceru y polu de la salú. La convocatoria ta abierta dende'l 16 d'abril hasta'l 30 de mayu.

Creación y afitamientu d'empreses de base tecnolóxica. Nesta convocatoria destínense 700.000 euros para distintes acciones qu'inclúin la subvención para personal técnicu, collaboración esterna, protección de propiedá industrial o gastos de constitución d'empresa, ente otros conceptos, y que'l so plazu pa presentar solicitúes va tar abiertu del 30 d'abril al 15 de setiembre.

Cheques d'innovación y desenvolvimientu empresarial pa servicios d'asesoramientu, asistencia técnica y consultoría, de los que pueden beneficiase pymes y autónomos con unu o más emplegaos a tiempu completu. Esti programa, pal que se destinen 600.000 euros, puede solicitase dende'l 13 de marzu hasta'l 23 d'abril.

Ayuda a clústeres, una llinia empobinada a potenciar la creación de nueves organizaciones de clústeres, la dinamización de los yá existentes y los proyectos colaborativos ente empreses pa fortalecer el potencial innovador. Pa esti programa, que se va activar dende'l 29 de mayu hasta'l 30 de xunu, va destinase 250.000 euros.

Innovación abierta 4.0. Ye una llinia dotada con 200.000 euros y destinada a fomentar la collaboración efectiva ente un mínimu de dos empreses de les que una busca les formes de resolver dalgunu de los retos tecnolóxicos plantegaos p'avanzar na so dixitalización. La convocatoria abrirá'l 30 de xunu y va tar operativa trés meses, hasta'l 30 de setiembre.

Planes estratéxicos pa centros d'I+D+i empresariales. Con esta iniciativa, que va cuntar con dos millones d'euros pa 2020 (y otros dos millones pa 2021), la Conseyería de Ciencia pretende ampliar l'ecosistema d'I+D+i n'Asturies al traviés de la puesta en marcha de centros d'investigación ya innovación per parte de grandes empreses. La convocatoria ta en fase d'ellaboración, magar se prevé llanzar a mediaos d'abril.

Amás d'estes convocatories, tamién se punxo en marcha'l programa d'I+D+i en cooperación internacional, dotáu con 651.000 euros, con ayudes en distintes fases de tramitación.

Los plazos y les condiciones de cada programa pueden consultase na web del Idepa https://bit.ly/2TBmWbW

Los plazos y las condiciones de cada programa se pueden consultar en la web del Idepa https://bit.ly/2TBmWbW


Icono gráfico alusivo al tipo de archivo Audiu (Audiu: 1 Mb) (n'español)

Información sobre el documento

© Copyright 2006. Gobierno del Principado de Asturias