Gobiernu del Principau d'Asturies

Asturies, muncho más cerca

Tas en

Asturias.es Temes Servicios sociales El Gobiernu del Principáu creó 792 places públiques ...
 

Servicios sociales

El Gobiernu del Principáu creó 792 places públiques residenciales nueves y 155 de centru de día na llexislatura pasada

Servicios Sociales destaca l'apueste del Executivu autonómicu pol sistema residencial y l'empléu públicos

22/07/2019

El Gobiernu del Principáu creó un total de 792 places residenciales públiques y 155 de centru de día na llexislatura qu'acaba de concluyir. Nos cuatro años últimos abrieron trés residencies públiques nueves en Riañu (Llangréu), Llastres (Colunga) y Naranco (Uviéu) y completóse la ufierta naquellos centros que funcionaben parcialmente como Morea (Ayer), Les Arriondes (Parres), El Nodo (Avilés) y Palaciu de Villar (Castrillón), ente más otros. L'organismu autónomu Establecimientos Residenciales p’Ancianos (ERA) xestiona yá un total de 5.567 places d'agospiamientu.

La Conseyería de Servicios y Derechos Sociales considera qu'estos datos respuenden por l'apueste que realizó'l Gobiernu autonómicu a lo llargo de la llexislatura pasada pol sistema públicu d'atención residencial, que crez cada añu en presupuestu y personal cola mira d'ameyorar los sos servicios y ufiertar una atención de mayor calidá a les persones mayores d'Asturies.

Al respective de les supuestes subcontrates na ERA a les que se refirieron güei Podemos y miembros del sindicatu CSI nel comité d'empresa del organismu, Servicios Sociales recuerda l'importante apueste pol empléu públicu llevada a cabu pa toles xeres de xestión directa, un modelu que nun varió nes postreres dos décades.

La conseyería considera d'especial gravedá les declaraciones efectuaes güei pol diputáu de la formación morada Rafael Palacios sobre la existencia de supuestos maltratos en centros públicos. Por ello, recuerda la obligación ética de cualquier ciudadanu, que s'incrementa nel casu d'un cargu públicu, d'acudir a los xulgaos si conoz fechos d'esta naturaleza.

 

Información sobre el documento

© Copyright 2006. Gobiernu del Principau d'Asturies