Gobiernu del Principau d'Asturies

Asturies, muncho más cerca

Tas en

Asturias.es El Principáu concluye la reparación del camín entre Pernús y ...
 

Aniciu

El Principáu concluye la reparación del camín entre Pernús y Villaescusa, nel conceyu de Colunga

Los trabayos, valoraos en 24. 890 euros, consistieron na estabilización d'un tramu de 18 metros afectáu por un deslizamientu de la fastera

14/07/2020

El Principáu remató güei les obres d'arreglu del camín que xune les localidaes de Pernús y Villaescusa, nel conceyu de Colunga.

Los trabayos, con un costu de 24.890 euros, consistieron na estabilización d'un tramu de plataforma de 18 metros, que se moviera de resultes d'un deslizamientu na fastera. El frayatu producióse de resultes de les agües del pasáu mes de payares y afectó al terremplén que soportaba la carretera y a parte del cantu esterior del pavimentu del camín.

L'actuación incluyó la construcción d'un muriu de formigón armáu, el revestimiento de la cuneta con formigón, la reposición del firme y pavimentu afectáu, más la instalación de barrera de seguridá.

Los núcleos de Pernús y Villaescusa pertenecen a la parroquia de Pernús, conceyu de Colunga, y cunten con una población conxunta d'alredor de mediu centenar de persones.

Información sobre el documento

© Copyright 2006. Gobiernu del Principau d'Asturies