Gobiernu del Principau d'Asturies

Asturies, muncho más cerca

Tas en

Asturias.es El Principáu coordina un dispositivu ampliu pa rescatar dellos ...
 

Aniciu

El Principáu coordina un dispositivu ampliu pa rescatar dellos calderones varaos na playa de Morís, en Carreño

Del grupu de cetáceos embarrancaos nel arenal, media docena foron quién a volver mar adientro, anque permanecen cerca de la costa, y otros nueve atopáronse muertos

29/09/2020

El Principáu coordina un dispositivu ampliu pa rescatar dellos calderones varaos na playa de Morís, en Carreño. Del grupu que quedó embarrancáu nel arenal, formáu por unos quince exemplares, media docena foron quién a volver mar adientro, anque permanecen cerca de la costa, y nueve foron atopaos muertos.

Una llamada al 112 sollertó ayeri pela mañana a les autoridaes de la presencia d’estos animales na costa y depués activóse’l Protocolu de la Rede de Varamientu de Cetáceos. Axentes del Mediu Natural, qu’a lo llargo de tol día tuvieron siguiendo a los exemplares, confirmaron pela tarde’l varamientu d’un grupu d’unos 15 calderones tropicales (Globecphala macrorhynchus) na playa de Morrís. Los miembros del operativu trataron de que los calderones volvieren mar adientro, pero nun foi posible y, ante la falta de bones condiciones llumíniques, suspendióse la operación.

A primer hora d’esta mañana volvió reactivase’l dispositivu, tanto dende tierra como per mar, y comprobóse que dellos exemplares foron quién a volver al agua, anque permanecen cerca de la costa, polo que los trabayos centráronse n’evitar que vuelvan a la playa con una barrera disuasoria con delles embarcaciones. Tamién s’atoparon nueve exemplares muertos, a los que-yos van practicar la necropsia.

El dispositivu, coordináu pol Gobiernu d’Asturies, al traviés de la Conseyería de Mediu Rural, cunta cola participación de técnicos y axentes del Mediu Natural, miembros del Centru d’Esperimentación Pesquera, Policía Local, Guardia Civil y Salvamentu Marítimu. Tamién los vecinos de la zona dieron la so collaboración.


Icono gráfico alusivo al tipo de archivo Audiu (Audiu: 447 Kb) (n'español)

Información sobre el documento

© Copyright 2006. Gobiernu del Principau d'Asturies