Gobiernu del Principau d'Asturies

Asturies, muncho más cerca

Tas en

Asturias.es Temes Emplegu Prevención de riesgos llaborales Salú va tomar muestres a los profesionales de servicios ...
 

Prevención de riesgos llaborales

Salú va tomar muestres a los profesionales de servicios esenciales para la detección del coronavirus ensin que tengan que baxase de los sos vehículos

El Llaboratoriu de Microbioloxía del HUCA va testar pruebes rápides usaes n'otros países d'Europa col fin d'evaluar la so fiabilidá

26/03/2020

El Serviciu de Salú del Principáu (Sespa) implementó un circuitu para facilitar la recoyida de muestres del nuevu coronavirus ente profesionales de servicios esenciales (sanitarios, fuerces de seguridá, etcétera). Esti procedimientu, denomináu Autocovid, pèrmite tomar un exudáu ensin que los trabayadores tengan que posase de los sos vehículos.

L'hospital de campaña del batallón Toledo del acuartelamientu Cabu Noval allugáu nel Hospital Universitariu Central d'Asturies (HUCA) va implantar esti circuitu nos próximos díes. Esti mecanismu yá ta en funcionamientu nos puestos médicos avanzaos de los hospitales universitarios de San Agustín, n'Avilés, y Cabueñes, en Xixón.

La recoyida de muestres va llevase a cabu so la indicación del Serviciu de Prevención de Riesgos Llaborales. Tanto los profesionales de los servicios esenciales como'l personal y los usuarios de les residencies de mayores son colectivos prioritarios pa la detección del COVID-19.

Amás, caltiense'l procedimientu yá conocíu, pol qu'equipos d'enfermería en cada área sanitaria recueyen muestres a casa les 24 hores al día, coordinaos pol 112, según les indicaciones del Serviciu de Vixilancia Epidemiolóxica de la Conseyería de Salú.



Más de 7.000 PCR

El Llaboratoriu de Microbioloxía del HUCA procesa de media al día unes 700 muestres del nuevu coronavirus, más de 7.000 dende l'entamu de la pandemia. Son les denominaes PCR (sigles n'inglés de reacción en cadena de la polimerasa), qu'en trés hores permiten detectar y amplificar un fragmentu del material xenéticu d'un patóxenu o microorganismu con una elevada fiabilidá. Nel casu del COVID-19, ye una molécula de ARN.

Per otra parte, la sección de Viroloxía va probar nueves ferramientes diagnóstiques qu'usen n'otros países europeos pa verificar la so fiabilidá. Trátase d'unos test rápidos que complementaríen el diagnósticu y ayudaríen a tomar decisiones de manera más áxil

N'Asturies, pel momento solo s’úsen los PCR, con una mayor capacidá pa procesar muestres que la demanda actual.

Información sobre el documento

© Copyright 2006. Gobiernu del Principau d'Asturies