Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes Programa de Desenvolvimientu Rural (FEADER) La Conseyería de Desenvolvimientu Rural avanza nos trámites para ...
 

Programa de Desenvolvimientu Rural (FEADER)

La Conseyería de Desenvolvimientu Rural avanza nos trámites para actualizar el Plan Forestal y modificar la Llei de Montes

El departamentu que dirixe Alejandro Calvo remite un cuestionariu a los miembros del Conseyu Forestal pa que realicen aportaciones a dambos documentos

24/04/2020

La Conseyería de Desenvolvimientu Rural, Agroganadería y Pesca unvió un cuestionariu a los miembros del Conseyu Forestal del Principáu d'Asturies pa que realicen aportaciones a l'actualización del Plan Forestal y al cambéu de la Llei de Montes, coles mires de siguir avanzando na tramitación de dambos documentos mientres l'estáu d'alarma.

Les entidaes locales, empreses, cooperatives, sindicatos, técnicos y asociaciones de defensa de la naturaleza representaes nel órganu asesor van poder unviar les sos suxerencies hasta'l próximu 15 de mayu y, darréu, va empecipiase'l procesu de redacción de los borradores de les normes.

El nuevu Plan Forestal va tar vixente pal periodu 2020-2035 y va responder a prioridaes rellacionaes cola prevención de quemes y la movilización de la propiedá, l'usu y la rentabilidá del monte, cola fin de xenerar riqueza nel mediu rural. Con esti mesmu oxetivu, va abordar tamién nueves polítiques venceyaes col sector como la biomasa, los frutos, los subproductos forestales y la riqueza natural qu'ufierten los montes.

El cambéu de la Llei de Montes ye ún de los proyectos de llexislatura de la conseyería. Esta actualización va permitir adaptala a la realidá asturiana y a l'actual llexislación nacional y europea. Tamién tendrá de contribuyir a regular el sector nes próximes décades, adaptándolu a los trescendentales cambeos que se tán dando en materia medioambiental y nos que los montes asturianos tienen una papel fundamental como activu económicu y de sostenibilidá, al tratase de grandes captadores de CO2.

Información sobre el documento

© Copyright 2006. Gobiernu del Principau d'Asturies