Gobiernu del Principau d'Asturies

Asturies, muncho más cerca

Tas en

Asturias.es El procesu d'almisión en centros educativos pal próximu cursu ...
 

Aniciu

El procesu d'almisión en centros educativos pal próximu cursu empieza'l vienres col sortéu que va permitir resolver empates

- Les solicitúes van poder presentase esti añu, como novedá, de manera presencial o telemática

19/05/2020

  • Les matrícules van formalizase ente'l 23 y el 31 de xunetu y del 1 al 7 de setiembre

La Conseyería d'Educación publicó güei nel Boletín Oficial del Principáu (Bopa) l'entamu del procedimientu d'almisión del alumnáu en centros sosteníos con fondos públicos, que va facilitar la escolarización de cerca de 19.000 estudiantes que s'incorporen per primer vegada al sistema educativu o que camuden de centru.

El procesu va empezar el vienres, 22 de mayu, a les 10:00 hores, col sortéu de los dos primeres lletres del apellíu y del sentíu (ascendente o descendente), que va permitir resolver empates de puntuación, y que'l so resultáu se publique nel portal Educastur. Darréu, el llunes 25, van constituyise les comisiones d'escolarización.

Pal alumnáu que yá pertenez a un determináu centru, les llistes provisionales de reserva de plaza en Primaria y Secundaria publicaránse’ll 4 de xunu y les definitives, el día 11 del mesmu mes.

Para estudiantes de nuevu ingresu y para cambeos de centru, el día 15 de xunu van dase a conocer les places vacantes por cursu, con cuenta de que les persones interesaes presenten les sos solicitúes d'almisión nel centru escoyíu como primer opción, antes del 19 de xunu. El día 30 van publicase les llistes provisionales de solicitúes almitíes y refugaes y el 14 de xunetu, una vegada resueltos los allegamientos, van salir les definitives.

La matrícula del alumnáu d'Infantil, Primaria, Secundaria y primero de Bachilleratu que pase de cursu, y d’aquel de segundu de Bachilleratu que nun titulara, tendrá de formalizase ente'l 23 y el 31 de xunetu. El restu d'estudiantes va matriculaser ente'l 1 y el 7 de setiembre.



Solicitúes per vía telemática

Anguaño, como novedá, el procedimientu va poder realizase de manera presencial o telemática. Los impresos pa la solicitú van tar disponibles nel portal Educastur, nos mesmos centros y tamién al traviés d'una ficha de serviciu que les persones interesaes pueden descargar, rellenar y apurrir nel colexu o institutu escoyíu en primer llugar.

Pa los qu’opten pola presentación a distancia, va haber un formulariu específicu disponible na web del Gobiernu d'Asturies y nel portal Educastur que tendrá de ser rellenáu y unviáu al traviés d'una plataforma electrónica.

La baremación va tener en cuenta si l'alumnu o alumna tien hermanos o hermanes matriculaos nel centru, si los sos padres tán emplegaos ellí y si dalgunu de los sos representantes llegales trabaya nes proximidaes. Coles mesmes, va valorase si cumple con un determináu nivel de renta, si la familia ye numberosa o monoparental o si la persona solicitante s’atopa en situación d'acoyimientu familiar. Amás, va evaluase l'espediente académicu y si dalgún miembru de la familia tien un grau de discapacidá igual o superior al 33%.

Información sobre el documento

© Copyright 2006. Gobiernu del Principau d'Asturies