Gobiernu del Principau d'Asturies

Asturies, muncho más cerca

Tas en

Asturias.es Información de los Conceyos El Gobiernu d'Asturies impulsa'l primer alcuentru autonómicu ...
 

Información de los Conceyos

El Gobiernu d'Asturies impulsa'l primer alcuentru autonómicu d'asociaciones d'ámbitu rural

L'alcuentru va celebrase'l sábadu 30 de payares en Sotu'l Barcu a partir de les 10. 30 hores

28/11/2019

La Rede de Centros de Voluntariáu y Participación Social del Principáu d'Asturies va celebrar el sábadu próximu, 30 de payares, el I Alcuentru Autonómicu d'Asociaciones d'Ámbitu Rural, cola mira de conocer directamente les particularidaes del movimientu asociativu de les árees rurales d'Asturies.

La xornada va tener llugar nel Teatru Clarín de Sotu'l Barcu dende les 10.30 hasta les 17.30 hores y va cuntar cola participación d'asociaciones culturales, vecinales, de muyeres, de persones mayores, xuveniles, etcétera, que desenvuelven el so llabor nes zones rurales de toa Asturies.

Mientres l'alcuentru, que va ser inauguráu pol director xeneral de Gobernanza Pública, Tresparencia, Participación Ciudadana y Axenda 2030, José Antonio Garmón, delles entidaes van presentar bones práctiques sobre la so forma de trabayar y cooperar, y van analizase distintos aspectos de la realidá del texíu asociativu n’ámbitu rural.

Col conxuntu d'aportaciones van redactase unes conclusiones, que van ser colgaes nel portal de Participación Ciudadana del Gobiernu del Principáu d'Asturies www.asturiasparticipa.es , con midíes p'avanzar nel fortalecimientu y desenvolvimientu del asociacionismu.

El programa incluye tamién la conferencia La participación, clave para la supervivencia de nuestros pueblos, ante el reto del despoblamiento, del espertu Miguel Ángel Santos.

Los comenenciudos puedes inscribise al traviés del formulariu que van atopar nesti enllaz: https://forms.gle/59RcHKCoZAb39AU48. L'actividá ye gratuita.

El Principáu cunta con seis Centros de Voluntariáu y Participación Social, allugaos nes árees más rurales d'Asturies, que promueven la participación social y el fortalecimientu del texíu asociativu. Pa ello desenvuelven iniciatives que faciliten nel so territoriu d'actuación l'alcuentru, y l'intercambiu d'actividaes, d'idees y esperiencies, al traviés de distintos formatos.

   Icono gráfico alusivo al tipo de archivo Cartel (Imagen: 837 Kb)

Información sobre el documento

© Copyright 2006. Gobiernu del Principau d'Asturies