Gobiernu del Principau d'Asturies

Asturies, muncho más cerca

Tas en

Asturias.es Temes Turismu Ayudes pa empreses y actividaes El Principáu apuesta pola innovación p’ameyorar la competitividá ...
 

Ayudes pa empreses y actividaes

El Principáu apuesta pola innovación p’ameyorar la competitividá del sector turísticu

Más de 170 profesionales de toa España participaron nel IV congresu Coetur celebráu en Cabranes. El turismu xenera más de 31. 000 empleos y aporta’l 10% del valor añedíu o brutu de la economía asturiana

el director general de Comercio y Turismo, Julio Zapico, durante la ponencia-entrevista ¿Cómo se reinventa un destino consolidado?, con la periodista Raquel Mendaña

24/05/2017

El director xeneral de Comerciu y Turismu del Principáu, Julio González Zapico, apostó güei pola innovación como preséu imprescindible pa llograr un sector más competitivu. Nesti sentíu, señaló que se trata d'un factor determinante por que'l turismu siga siendo un motor de la economía asturiana, con más de 31.000 empleos y una aportación del 10% del valor añedíu brutu rexonal.

Zapico, que participó nel IV Congresu Européu de Turismu Rural ( Coetur), celebráu en Cabranes, recordó que'l Principáu yá foi pioneru n'España hai 31 años cola nacencia del turismu rural. “Si fuimos capaces d'inventalo tal que lo conocemos anguaño, güei vuelve ser de nuevu'l tiempu de les idees”, señaló.

Tamién se refirió al Programa de Turismu Sostenible d'Asturies 2020 como “el meyor preséu” pa construyir un nuevu modelu basáu nos recursos diferenciales de la comunidá, “que dea prioridá a les estratexes segmentadas de promoción nes que mensaxe y canal s’adapten a públicos concretos”.

El director xeneral esplicó que'l mercáu y los consumidores camudaron, polo que cola nueva campaña de promoción, Vuelve al Paraísu, auméntase la presencia en soportes dixitales, tanto a nivel publicitariu como na estratexa global de comunicación, amás del usu de les redes sociales, nes que yá se xeneró una comunidá de más de 350.000 siguidores.

L'IV Congresu Européu de Turismu Rural, entamáu pol portal de viaxes Escapada Rural en collaboración cola Conseyería d'Empléu, Industria y Turismu, rexuntó a más de 170 profesionales y 40 espertos p'analizar los retos del sector.

Información sobre el documento

© Copyright 2006. Gobiernu del Principau d'Asturies