Gobiernu del Principau d'Asturies

Asturies, muncho más cerca

Tas en

Asturias.es Temes Educación Educación entama mañana’l primer exame de certificación B2 de ...
 

Educación

Educación entama mañana’l primer exame de certificación B2 de Llingua Asturiana

Más de 400 aspirantes van participar na prueba escrita, que se va facer na Facultá de Formación del Profesoráu. La convocatoria tien un protocolu propiu de seguranza frente a la Covid-19

02/10/2020

La Conseyería d’Educación entama a partir de mañana, sábadu, 3 d’ochobre, la primer prueba de certificación de Llingua Asturiana de nivel intermediu (B2). El primer día van facese los exámenes escritos, nel edificiu sur de la Facultá de Formación del Profesoráu y d’Educación. El llunes qu’entra, 5 de ochobre, van escomenzar los orales, nel Institutu Aramo, d’Uviéu.

La convocatoria dispón d’un protocolu propiu de midíes hixénico-sanitaries adaptáu a la realidá de la pandemia y visáu pola Conseyería de Salú. Pa cumplir con tolos requisitos de seguranza, la entrada va ser escalonada. A cada participante mandáron-y un mensaxe SMS asignándo-y una hora d’accesu.

Un total de 800 aspirantes rexistraron la solicitú pa participar nesta prueba de certificación, pa la que se punxo un cupu máximu de 500 places. El criteriu de selección pa determinar quién diba poder facer la prueba decidióse al traviés del sortéu de la lletra del apellíu. Finalmente, formalizó’l pagu del preciu públicu correspondiente 407 candidatos y candidates.

Otra manera, esta selmana constituyéronse dos tribunales nomaos pola Conseyería d’Educación, que van tar encargaos de xestionar los exámenes de certificación. Los dos tán formaos por profesoráu funcionario de carrera del cuerpu de profesores de Secundaria y por llingüistes espertos en Llingua Asturiana.

Les pruebes surden d’una collaboración estrecha ente les conseyeríes d’Educación y Cultura, Política Llingüística y Turismu. El decretu 47/2019, de 21 de xunu, pol que s’afiten los niveles de competencia del usu de la Llingua Asturiana y que regula esta prueba de certificación diseñólu Cultura, Política Lingüística y Turismu. Educación encargóse de la convocatoria, la inscripción, la organización y l’aplicación de los exámenes. Va ser tamién l’Alministración encargada d’espidir los certificaos. Los niveles tán adaptaos al Marcu Común de Referencia Européu (MCRE) de les Llingües.



Dos bloques

La estructura del exame de certificación de nivel intermediu que van tener que facer les persones aspirantes estrémase nestos bloques:


Icono gráfico alusivo al tipo de archivo Nota de prensa completa (Pdf: 167 Kb)

Información sobre el documento

© Copyright 2006. Gobiernu del Principau d'Asturies