Gobierno del Principado de Asturias

Asturias, mucho más cerca

Estás en

Aniciu Temes Emplegu Alredor de 10.300 trabayadores afectaos por espedientes de ...
 

Emplegu

Alredor de 10.300 trabayadores afectaos por espedientes de regulación autonómicos reincorporáronse yá a los sos puestos de trabayu

1. 997 empreses recuperen l’actividá al dar por acabaes les midíes de reducción de xornada o suspensión d’empléu pa facer frente a la crisis sanitaria. La Conseyería d’Empléu recibió 12. 598 solicitúes d’ERTE de magar empezó la pandemia, qu’afecten a 53.192 persones

07/07/2020

La vuelta progresiva a l’actividá económica desque acabó l’estáu d’alarma ta treslladándose al mercáu llaboral n’Asturies, con mengües nel desempléu y una meyora notable na afiliación a la Seguridá Social. Hasta ayeri, 1.997 empreses comunicaren a la Conseyería d’Industria, Empléu y Promoción Económica la suspensión definitiva de los espedientes de regulación d’empléu aplicaos de magar empezó la emerxencia sanitaria, a mediaos de marzu. D’esta manera, según les cifres que remana la Dirección Xeneral d’Empléu y Formación como autoridá llaboral nel Principáu, 10.285 persones reincorporáronse yá a los sos puestos de trabayu.

Estes cifres faen referencia a los ERTE autorizaos y tramitaos pol Gobiernu d’Asturies y nun incluyen datos sobre les desafectaciones parciales de trabayadores en regulación, que la so comunicación a la Dirección Xeneral Empléu y Formación nun ye obligatoria, nin sobre los espedientes d’ámbitu nacional con persones afectaes nel Principáu.

De los espedientes competencia de l’autoridá llaboral rexonal que remataron la vixencia, 1.927 presentáronse por causes de fuercia mayor y implicaben a 10.027 trabayadores, mentes qu’otros 35, xustificaos por delles razones, afectaron a 258 persones.

Otra manera, la Dirección Xeneral d’Empléu y Formación tramitó hasta agora 12.575 solicitúes d’espedientes de regulación temporal d’empléu qu’afecten a 53.192 trabayadores, lo que supón el 99,81 % del total presentáu dende’l 11 de marzu. D’ellos, 11.309 tienen la consideranza de fuercia mayor, con 40.985 persones afectaes, y los 1.266 restantes, debíos a otres causes, llevaron a 12.207 empleaos a la suspensión d’empléu o a la mengua de xornada.

Por sectores d’actividá, la incidencia más relevante de los ERTE caltiénse nos servicios, con 10.688 solicitúes y 38.131 persones afectaes por mengües de xornada o suspensiones d’empléu. De siguío, asítiense la industria, con 1.502 espedientes y 12.102 afectaos, y la construcción, con 279 y 2.166 persones.

Por actividaes económiques, les empreses de restauración y hostelería, de comerciu minorista, de fabricación de productos metálicos, de peluquería y estética, y les d’arreglu y venta de vehículos son, per esti orde, les que más se vieron obligaes a menguar la xornada llaboral o suspender d’empléu a los sos trabayadores.



ERTES PRESENTAOS DE MAGAR EMPEZÓ’L PROCESU



(11/03/2020 al 07/07/2020)

TOTAL D’ERTES PRESENTAOS 12.598
TOTAL D’ERTES TRAMITAOS
TOTAL POR FUERCIA MAYOR POR OTRES CAUSES
N.U ERTES 12.575 11.309 1.266
N.U TRABAYADORES AFECTAOS/ES 53.192 40.985 12.207
N.U MEDIU DÍES DE SUSPENSIÓN 115 135

 



ERTES POR SECTORES Y PERSONES TRABAYADORES

SECTORES ERTE TRABAYADORES % TRABAYADORES POR SECTORES
Primariu 59 435 0,82
Construcción 279 2.166 4,07
Industria 1.502 12.102 22,75
Servicios 10.688 38.131 71,69
Ensin determinar 47 358 0,67
TOTAL 1.2575 53.192 100

 



ACTIVIDAES PRINCIPALES Y PERSONES TRABAYADORES INCLUYÍES

SERVICIOS DE COMIDA Y BEBIDA / AGOSPEDAMIENTU

8.782 16,51%

COMERCIU PEQUEÑU 6.092 11,45%

METALURXA/FABRICACIÓNPRODUCTOS METÁLICOS4.804 9,03%

PELUQUERÍA Y ESTÉTICA 3.315 6,23%

REPARACIÓN Y VENTA VEHÍCULOS 2.364 4,44%

CONSTRUCCIÓN/INXENIERÍA CIVIL 2.166 4,07%

ACTIVIDAES DEPORTIVES, RECREATIVES Y ENTRE.1.892 3,56%

TRESPORTE PER CARRETERA 1.875 3,53%

EDUCACION/FORMACION 1.863 3,50%

SERVICIOS PERSONALES Y ASISTENCIALES 1.703 3,20%

INDUSTRIA ALIMENTACIÓN 1.510 2,84%

OTROS 16.8263 1,64%



RENUNCIES Y COMUNICACIONES FIN D’ERTE

TOTAL POR FUERCIA MAYOR POR OTRES CAUSES
N.U ERTES 1.997 1.927 35
N.U TRABAYADORES DESAFECTAOS/ES 10.285 10.027 258

 

Información sobre el documento

© Copyright 2006. Gobierno del Principado de Asturias