Gobierno del Principado de Asturias

Asturias, mucho más cerca

Estás en

Aniciu Pa tí Emigrantes El Gobiernu d'Asturies aprueba 14 ayudes nueves al retornu por ...
 

Emigrantes

El Gobiernu d'Asturies aprueba 14 ayudes nueves al retornu por importe de 21.600 euros

El Principáu concedió nel 2018 asistencia a 71 emigrantes o descendientes por un valor de 112. 950 euros, la cifra más alta dende’l 2014

07/01/2019

El Gobiernu d'Asturies autorizó esta selmana la concesión de 14 ayudes nueves al retornu por importe de 21.600 euros pa emigrantes y descendientes que decidieron tornar o afitar la so residencia nel Principáu.

Estes ayudes concédense por razones d'interés social y humanitariu, cola mira d'ufiertar respaldu a persones que s'atopen nuna situación de precariedá, non solamente económica, sinón tamién llaboral y social. Diez de los beneficiarios nacieron n'Asturies y otros cuatro son descendientes d'emigrantes. Por llugar de procedencia, nueve son orixinarios de Venezuela, dos d'EE. XX., otros dos de Perú y unu más de Cuba.

El Gobiernu del Principáu autorizó nel 2018 subvenciones directes a 71 emigrantes retornaos o descendientes por una cuantía de 112.950 euros, la cifra más alta dende’l 2014. Con esti esfuerciu económicu, l'Executivu refuercia'l so compromisu cola población emigrada y por meyorar la situación de quien por motivos económicos y sociales abandonaron les sos vides n'otros países pa instalase nel Principáu.

 

Información sobre el documento

© Copyright 2006. Gobierno del Principado de Asturias